Repaso sa Teokratikong Eskwelahan para sa Ministeryo
Ang masunod nga mga pamangkot binagbinagon sa Teokratikong Eskwelahan Para sa Ministeryo sa semana sugod sa Disiembre 27, 2004. Dumalahan sang manugtatap sang eskwelahan ang 30-minutos nga repaso pasad sa materyal nga gintuptupan sa mga asaynment para sa mga semana sang Nobiembre 1 tubtob Disiembre 27, 2004. [Patalupangod: Kon wala sing mga reperensia pagkatapos sang pamangkot, kinahanglan nga ikaw ang magpanalawsaw agod masapwan mo ang mga sabat.—Tan-awa ang Eskwelahan Para sa Ministeryo, p. 36-7.]
MGA KALIDAD SA PAGHAMBAL
1. Ano ang isa sang labing maayo nga paagi agod mapukaw ang interes sang tagpalamati sa isa ka topiko? [be p. 218 par. 3]
2. Sambita ang lima ka kinaiya sang epektibo nga konklusion. [be p. 220 par. 4–p. 221 par. 4]
3. Paano naton mapat-od nga sibu ang aton mga pinamulong? [be p. 224 kahon]
4. Paano naton mapat-od nga ang aton mga presentasyon sa mga miting nagapabanaag sing daku nga pagtahod sa papel sang kongregasyon subong “isa ka haligi kag pamakod sang kamatuoran”? (1 Tim. 3:15) [be p. 224 par. 1-4]
5. Kon tuhoy sa bag-o nga mga balita, mga kinutlo, kag mga eksperiensia, paano naton sarang maaplikar ang Hulubaton 14:15? [be p. 225 par. 1]
ASAYNMENT NUM. 1
6. Paano makalkular ang petsa halin sa Anaw pabalik sa pagtuga kay Adan? [si p. 286 par. 12]
7. Paano mahibaluan ang petsa sa pagsugod sang ministeryo ni Jesus, kag ano ang basihan sa pagpati nga nagdugay ini sing tatlo kag tunga ka tuig? [si p. 291 par. 16]
8. (a) San-o ginpagua ang “sugo nga ipasag-uli kag patindugon liwat ang Jerusalem?” (b) Pila ka tuig ang magaligad pagkatapos ginpagua ining sugo tubtob magtuhaw ang Mesias? (Dan. 9:24-27) [si p. 291 par. 18-19]
9. Ano ang nalakip sa sinsero nga pagpangayo sing pasaylo nga magaresulta sa ‘pagpakighidait sa aton utod? (Mat. 5:23, 24) [w02 11/1 p. 6 par. 1, 5]
10. Ano ang ginatudlo sa aton sang 2 Hari 13:18, 19 tuhoy sa paghimo sang mga hilikuton nga gintangdo sang Dios? [w02 12/1 p. 31 par. 1-2]
SEMANAL NGA PAGBASA SANG BIBLIA
11. Ngaa mahimo ihatag sang mga Israelinhon sa dumuluong nga pumuluyo ukon ibaligya sa isa ka dumuluong ang wala mapadugo nga patay nga sapat nga sila mismo indi magkaon? (Deut. 14:21)
12. Ano nga leksion ang ginahatag sa aton sa Deuteronomio 20:5-7?
13. Ngaa ang pagkuha sang “de-mano nga galingan ukon ang naibabaw nga bato sini subong garantiya” ginpaanggid sa pagkuha sang “isa ka kalag”? (Deut. 24:6)
14. Bangod ginadilian ang mga Israelinhon sa pagkaon sang bisan ano nga tambok, ano ang buot silingon sang pagkaon nila sang “tambok sang laki nga mga karnero”? (Deut. 32:13, 14)
15. Ano ang modernong adlaw nga katumbas sang makasasala nga dalanon ni Acan? (Jos. 7:1-26) [w86 12/15 p. 20 par. 20]