Iskedyul sa Miting sa Serbisyo
Semana sang Agosto 8
10 min: Lokal nga mga pahibalo. Pinili nga Mga Pahibalo gikan sa Ang Aton Ministeryo sa Ginharian. Ipasundayag ang isa ukon duha ka panugda nga presentasyon nga yara suplemento sang Hunyo 2005 nga Ang Aton Ministeryo sa Ginharian sa pagduaw liwat sa mga nagbaton sing brosyur.
15 min: Kon Paano Mabuligan ang mga Nagahambal Sing Lain nga Lenguahe. Pamulongpulong kag paghinun-anon upod sa tumalambong pasad sa introduksion sang Good News for People of All Nations. Hinun-anuni ang tatlo ka tikang nga mahimo naton agod mabuligan ang mga nagahambal sing lenguahe nga indi naton mahangpan. Ilakip ang komento sa Hulyo 2003 nga Ang Aton Ministeryo sa Ginharian, pahina 4. Hinambiti nga ang Please Follow Up (S-43) nga pormas dapat sulatan bisan pa kon ang tawo indi interesado sa mensahe sang Ginharian. Ipasundayag kon paano gamiton ang bag-o nga pulyeto.
20 min: Pamulongpulong nga “Gamita ang Espirituwal nga mga Tulumuron Agod Himayaon ang Imo Manunuga,” pasad sa artikulo sa pahina 21-3 sang Hulyo 15, 2004 nga Lalantawan. Palig-una ang mga makasarang sa pagpayunir nga mangin tulumuron nila nga magsugod sa Septiembre 1. Pat-ura nga may yara kamo mga aplikasyon agod ila magamit.
Ambahanon 197 kag nagatakop nga pangamuyo.
Semana sang Agosto 15
10 min: Lokal nga mga pahibalo. Gamita ang mga panugda sa pahina 4 (kon bagay sa inyo teritoryo) sa pagpasundayag kon paano itanyag ang Agosto 15 nga Lalantawan kag ang Septiembre 8 nga Magmata!
15 min: Madumduman Mo Bala? Paghinun-anon sa tumalambong pasad sa Abril 15, 2005, nga Lalantawan, pahina 30. Agdaha ang mga tumalambong nga magkomento sa tagsa ka pamangkot. Ipadaku ang praktikal nga kapuslanan sang materyal. Palig-una ang tanan nga basahon sing maayo ang kada gua sang Ang Lalantawan kag Magmata!
20 min: “Pagsugod Sing mga Pagtuon sa Biblia sa Ganhaan kag sa Telepono.”a Ilakip ang isa ka malip-ot nga pasundayag kon paano sugdan ang pagtuon sa Biblia sa una nga pagduaw, nga nagagamit sing isa ukon duha ka parapo sa Ginapatuman nga brosyur. Magsugid sing isa ukon duha ka makapalig-on nga eksperiensia tuhoy pagsugod sing pagtuon sa Biblia paagi sa telepono.
Ambahanon 30 kag nagatakop nga pangamuyo.
Semana sang Agosto 22
10 min: Lokal nga mga pahibalo. Basaha ang report sa kuenta kag mga pasalamat sa donasyon.
15 min: Lokal nga mga kinahanglanon.
20 min: “Pagbantala Sing Ginaharian—Isa ka Hamili nga Pribilehiyo.”b Kon nagabinagbinag sang parapo 4, repasuha ang pinasahi nga kahimusan sa pagreport sang pag-alagad sa latagon bisan sing 15-minutos lamang sa mga may sablag sa lawas bangod sang katigulangon ukon sang balatian.—Tan-awa ang Oktubre 2002 nga Ang Aton Ministeryo sa Ginharian, p. 8, par. 6.
Ambahanon 204 kag nagatakop nga pangamuyo.
Semana Sang Agosto 29
10 min: Lokal nga mga pahibalo. Pahanumduma ang mga manugbantala nga ihatag ang ila report sang pag-alagad sa latagon para sa Agosto. Nagagamit sang mga panugda sa pahina 4 (kon bagay sa inyo teritoryo), ipasundayag kon paano itanyag ang Septiembre 1 nga Lalantawan kag Septiembre 8 nga Awake!
15 min: Maghigugmaanay Kamo. (Juan 13:35) Pamulongpulong sang isa ka gulang pasad sa Pebrero 1, 2003, nga Lalantawan, pahina 15-18, parapo 10-21. Palig-una ang tanan nga tinguhaan ang pagpadayon sa pagtuon sa Biblia bisan pa sa mga nakatuon na sa Ihibalo nga libro kag sa Ginapatuman nga brosyur, ayhan nagagamit sing Simbaha ang Dios nga libro. Ipatalupangod kon paano ang mga manugbantala makabulig sa mga gulang sa pagbulig sa mga maluya.
20 min: Gamita ang Biblia sa Una nga Pagduaw. Pamulongpulong kag paghinun-anon sa tumalambong. Repasuha ang mga panugda sa Septiembre 2004 nga Ang Aton Ministeryo sa Ginharian, pahina 4, parapo 2, sa pagpatalupangod sa Pulong sang Dios sa una nga pagduaw. Ipasundayag kon paano ang isa ukon duha sa ginpanugda nga mga presentasyon mahimo magamit upod ang tanyag nga literatura sa Septiembre.
Ambahanon 71 kag nagatakop nga pangamuyo.
Semana sang Septiembre 5
10 min: Lokal nga mga pahibalo.
15 min: “Mainuswagon nga Pagdumala Sing mga Pagtuon sa Biblia—Bahin 11.”c Ilakip ang isa ka pasundayag sang isa ka nagadumala sa pagtuon kag isa ka bag-uhan nga manugbantala nga nagahanda sa pagduaw liwat. Ginarepaso nila ang una nga pagduaw kag nagpili sing nagakaigo nga punto agod ipaambit sa pagduaw liwat. Naghanda man sila sing simple nga introduksion kag isa ka pamangkot nga mahimo ipamangkot sa paghinakop sang pagduaw. Ang pasundayag tapuson sang ensayuhon na nila ang ila ginhanda nga presentasyon.
20 min: Pag-organisar sa Pagbulig sa mga Tigulang. Pamulongpulong sang isa ka gulang pasad sa Agosto 15, 1993, nga Lalantawan, pahina 28-9, sa idalom sang subtitulo nga “Ang Pag-organisar Bilidhon.” Hinambiti ang mga kahimusan nga ginhimo sang kongregasyon agod buligan ang mga may balatian kag mga tigulang.
Ambahanon164 kag nagatakop nga pangamuyo.
[Mga nota]
a Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
b Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
c Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.