Iskedyul sa Miting sa Serbisyo
PATALUPANGOD: Pagligad sang isa ukon duha ka bulan nga nakatambong ang kongregasyon sa “Diosnon nga Pagkamatinumanon” Distrito nga Kombension, dapat mag-iskedyul sing 15 tubtob 20 minutos sa Miting sa Serbisyo (ayhan ang lokal nga mga kinahanglanon) sa pagrepaso sang mga punto sa kombension.—Tan-awa ang Oktubre 2005 nga Ang Aton Ministeryo sa Ginharian, p. 2.
Semana sang Enero 9
Ambahanon 10
10 min: Lokal nga mga pahibalo. Ipasundayag ang mga panugda sa pahina 8 kon paano itanyag ang Enero 15 nga Ang Lalantawan kag ang Enero nga Magmata!
15 min: “Ang Ginatudlo Sang Biblia nga Libro—Aton Panguna nga Bulig sa Pagtuon sa Biblia.”a Dumalahan sang manugtatap sang pag-alagad.
20 min: “Kon Paano Makasugod Sing mga Pagtuon sa Ginatudlo Sang Biblia nga Libro.” Pagpakighinun-anon upod sa tumalambong kag mga pasundayag pasad sa pahina 3 sang suplemento. Himusa ang tatlo ka pasundayag nga nagapakita kon paano gamiton ang (1) pahina 4-5, (2) pahina 6, kag (3) ang una nga parapo sa pahina 7 sa pagsugod sang pagtuon sa Biblia kon nagaduaw liwat. Tapuson sang manugbantala ang tagsa ka pasundayag paagi sa paghimos sang pagbalik liwat.
Ambahanon 125 kag nagatakop nga pangamuyo.
Semana sang Enero 16
Ambahanon 178
10 min: Lokal nga mga pahibalo. Pinili nga Mga Pahibalo sa Ang Aton Ministeryo sa Ginharian. Palig-una ang tanan nga kon mahimo tan-awon nila ang video nga Transfusion-Alternative Health Care—Meeting Patient Needs and Rights bilang paghanda sa paghinun-anon pagligad sang duha ka semana sa Miting sa Serbisyo.
15 min: Organisado sa Paghimo Sang Kabubut-on ni Jehova. Pamulongpulong kag paghinun-anon upod sa tumalambong pasad sa pahina 4-7 sang Organisado sa Paghimo Sang Kabubut-on ni Jehova nga libro. Pagkatapos sang introduksion nga kubos sa tatlo ka minuto pasad sa pahina 4, dumalahi ang isa ka paghinun-anon upod sa tumalambong sa pahina 5 tubtob sa subtitulo sa pahina 7. Binagbinagon ang iban pa nga bahin sang Organisado nga libro sa masunod nga mga Miting sa Serbisyo.
20 min: “Mga Pamatan-on nga Nagasiga Subong mga Sulu.”b Ipasaysay sa mga pamatan-on kon paano sila nakapanaksi sa eskwelahan.
Ambahanon 107 kag nagatakop nga pangamuyo.
Semana sang Enero 23
Ambahanon 60
10 min: Lokal nga mga pahibalo. Basaha ang report sa kuenta kag mga pasalamat sa donasyon. Ipasundayag ang panugda sa pahina 8 kon paano itanyag ang Pebrero 1 nga Ang Lalantawan kag Pebrero nga Magmata!
15 min: Lokal nga mga kinahanglanon.
20 min: “Pagpakita Sing Personal nga Interes—Paagi sa Pagpamangkot kag Pagpamati.”c Kon ginabinagbinag ang parapo 2, pamangkuta ang tagpalamati kon ano nga mga pamangkot ang ila nasapwan nga epektibo sa pagsugod sang pag-istoryahanay. Ipasundayag kon paano mapahambal ang mga tawo paagi sa paggamit sang mataktikanhon nga mga pamangkot kag pagpamati sing maayo.
Ambahanon 205 kag nagatakop nga pangamuyo.
Semana sang Enero 30
Ambahanon 197
10 min: Lokal nga mga pahibalo. Hinambiti ang tanyag nga literatura sa Pebrero, kag ipasundayag kon paano ini itanyag.
15 min: Pamulongpulong sang isa ka gulang sa tema nga “Ang Imo Bala Konsiensia Nahanas Gid?,” pasad sa artikulo sang Ang Lalantawan nga Oktubre 1, 2005, pahina 12-15.
20 min: “Isa ka Video nga Nagapatalupangod sa Isa ka Importante nga Pamaagi Sang Pagbulong.” Basaha ang Binuhatan 15:28, 29, kag ipadaku sing makadali nga ang pangunang rason sang pagdumili sang mga Cristiano sa pagpatughong sing dugo amo ang pagtahod sa kasuguan sang Dios sa pagkasagrado sang dugo. Nian binagbinaga ang Patient Needs and Rights nga video, nga nagagamit sang mga pamangkot sa artikulo. Maghinakop paagi sa pagbasa sang katapusan nga parapo. (Patalupangod: Kon wala sing video ang kongregasyon, magapamulongpulong ang gulang pasad sa Ang Lalantawan nga Hunyo 15, 2004, pahina 29-31.)
Ambahanon 45 kag nagatakop nga pangamuyo.
Semana sang Pebrero 6
Ambahanon 74
10 min: Lokal nga mga pahibalo.
25 min: Pag-usisa Sang Aton Bag-o nga Kagamitan sa Pagtudlo. Pamulongpulong kag paghinun-anon upod sa tumalambong. Pakomentuha ang mga tumalambong tuhoy sa ila naluyagan gid nga bahin sa Ginatudlo Sang Biblia nga libro, kaangay sang nagabukas nga mga pamangkot kag kahon sa repaso nga nagapadaku sa pangunang mga punto sang tagsa ka kapitulo (p. 106, 114), mga laragway (p. 122-3, 147, 198), kag apendise (p. 197, par. 1-2). Ang pamaagi sang libro maayo gid kag makagalanyat (p. 12, par. 12). Simple kag klaro ang pagpaathag sini (p. 58, par. 5) kag nagagamit sang epektibo nga mga ilustrasyon (p. 159, par. 12). Gindesinyo ang introduksion sini sa pagbulig sa aton nga makasugod sing mga pagtuon sa Biblia (p. 3-7). Ipasundayag kon paano gamiton ang kahon sa pahina 7 upod sa isa ka bag-uhan nga estudyante sa Biblia.
10 min: Nagadala Sing mga Pagpakamaayo ang Pag-auxiliary Payunir. (Hulu. 10:22) Pasugira ang mga nag-auxiliary payunir sang nagligad nga tig-ilinit sang ila nabatyagan nga kalipay. Palig-una ang tanan nga binagbinagon ini sing mapangamuyuon agod nga makaauxiliary payunir sa bulan sang Marso, Abril, kag Mayo.
Ambahanon 16 kag nagatakop nga pangamuyo.
[Mga Nota]
a Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
b Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.
c Indi pagpasobrahi sa isa ka minuto ang introduksion, kag sundan ini sang pamangkot-kag-sabat nga paghinun-anon.