Mga Pahibalo

◼ Tanyag nga mga literatura sa Pebrero: Itanyag ang Mangin Suod kay Jehova nga libro. Kon wala kamo sini nga libro, mahimo ninyo itanyag ang Ihibalo nga libro ukon ang bisan anong daan nga publikasyon. Marso: Itanyag ang Ginatudlo Sang Biblia nga libro kag manikasog gid nga makasugod sing mga pagtuon sa Biblia. Abril kag Mayo: Itanyag ang indibiduwal nga mga kopya sang Ang Lalantawan kag Magmata! Kon nagaduaw liwat sa mga interesado, lakip sa mga nagtambong sa Memoryal apang wala nagapakig-upod sing aktibo sa kongregasyon, tinguhai nga mapahamtangan sila sing Ginatudlo Sang Biblia nga libro nga may tulumuron nga masugdan sila sing pagtuon sa Biblia.

◼ Ang tig-ulo sang pinasahi nga pamulongpulong publiko sa Domingo, Abril 15, 2007 amo “Makabatyag Ka Sing Kalig-unan sa Sining Magamo nga Kalibutan!” Subong pahanumdom, ang mga kongregasyon nga may duaw sang manugtatap sang sirkito, sirkito nga asambleya, ukon adlaw sang pinasahi nga asambleya sa sina nga talipuspusan sang semana magahiwat sang ila pinasahi nga pamulongpulong sa Abril 22, 2007. Sa mga kongregasyon nga indi Domingo ang miting publiko, mahimo nila hiwaton sa Abril 16-21, 2007 ang pinasahi nga pamulongpulong.

◼ Dapat repasuhon sang sekretaryo kag sang manugtatap sang pag-alagad ang hilikuton sang tanan nga regular payunir sa katapusan sang Pebrero. Kon may nabudlayan sa paglab-ot sang kinahanglanon nga oras, dapat maghimo sing kahimusan ang mga gulang agod mabuligan sila nga malab-ot ang kinahanglanon nga oras kada tuig sa Agosto 31, 2007.

◼ Dapat nga i-awdit sang nagadumala nga manugtatap ukon sang isa nga iya gintangdo ang kuenta sang kongregasyon sa Marso 1 ukon sa gilayon pagkatapos sini. Kon matapos na ini, dapat ini ipahibalo upod sa masunod nga report sa kuenta kag nian basahon sa kongregasyon ang sulat sang pasalamat sa donasyon gikan sa sanga talatapan.

◼ Sa Domingo, Pebrero 18, 2007, pagkatapos sang Pagtinuon sa Ang Lalantawan, may miting para sa tanan nga nagaplano nga mag-auxiliary payunir sa Marso, Abril, kag Mayo. Pagadumalahan ini sang manugtatap sang pag-alagad, kag pat-uron niya nga may bastante sia nga Applications for Auxiliary Pioneer Service agod ipanagtag sa tanan nga magatambong.