Kon Ano ang Isiling Tuhoy sa mga Magasin

Ang Lalantawan Agosto 1

“Madamo ang nagapati nga ang tanan nga maayo nga tawo makadto sa langit. Amo man bala sini ang imo ginapatihan? [Tuguti sia sa pagsabat.] Talupangda kon ano ang ginasiling diri tuhoy sa duta. [Basaha ang Salmo 37:11, 29.] Ginapakita sini nga artikulo kon ano ang gintudlo ni Jesus tuhoy sa palaabuton sang katawhan diri sa duta.” Ipakita ang artikulo nga nagaumpisa sa pahina 22.

Magmata! Agosto

“Masakit gid nga mapatyan sing ginikanan. Nagaugyon ka bala sa sini? [Tuguti sia sa pagsabat.] Madamo ang nalugpayan sini nga teksto sa Biblia. [Basaha ang Bugna 21:4.] Ginapaathag sini nga artikulo kon paano atubangon ang masakit gid nga mga balatyagon, ilabi na sang isa ka pamatan-on.” Ipakita ang artikulo nga nagaumpisa sa pahina 10.

Ang Lalantawan Septiembre 1

“Ang iban nagahambal nga kon matutom ka sa Dios, bugayan ka Niya sing manggad apang kon imol ka tanda ini nga wala ka ginakahamut-an sang Dios. Ano ang masiling mo tuhoy sini? [Tuguti sia sa pagsabat.] Talupangda nga si Jesus indi manggaranon. [Basaha ang Lucas 9:58.] Ini nga magasin nagabinagbinag kon ano nga mga pagpakamaayo ang mapaabot sang mga alagad sang Dios.”

Magmata! Septiembre

“Sa banta mo, mas madamo bala nga hangkat ang ginaatubang sang mga pamatan-on karon sangsa nagliligad nga mga tinuig? [Tuguti sia sa pagsabat.] Madamo ang nagabatyag nga ini nga teksto sibu gid nga nagalaragway sa aton kahimtangan karon. [Basaha ang 2 Timoteo 3:1.] Ini nga magasin nagapakita sang pila ka praktikal nga mga prinsipio sa Biblia nga makabulig sa mga ginikanan kag sa mga pamatan-on nga maatubang ang mga hangkat.”