Kon Ano ang Isiling Tuhoy sa mga Magasin

Ang Lalantawan Hulyo 1

“Sa banta mo posible ayhan nga matigayon ang kalinong sa hunahuna sa sining magamo nga mga tion? [Tuguti sia sa pagsabat.] Talupangda ang ginasiling sang Biblia sa Filipos 4:6, 7. [Basaha.] Ginapaathag sini nga artikulo kon paano naton maeksperiensiahan ang paghidait nga ginahatag sang Dios.” Ipakita ang artikulo nga nagaumpisa sa pahina 10.

Magmata! Hulyo

“Madamo sa aton ang nagapasalamat sa aton mga ginikanan bangod sa ila pagtudlo sa aton. Sa banta mo indi bala matinahuron nga buhat ang pag-usisa sing mahalungon sa relihioso nga panudlo nga gintudlo sa imo sang imo mga ginikanan sang bata ka pa? [Tuguti sia sa pagsabat. Dayon basaha ang 1 Juan 4:1.] Ginapakita sini nga artikulo kon bala sayop nga ilisan naton ang aton relihion.” Ipakita ang artikulo nga nagaumpisa sa pahina 28.

Ang Lalantawan Agosto 1

“Ang iban nagasiling nga ang tanan nga relihion lainlain nga mga alagyan nga nagapadulong sa isa lang ka Dios. Sa banta mo tanan bala nga relihion maayo? [Tuguti sia sa pagsabat. Dayon basaha ang Mateo 7:13, 14.] Ginapakita sini nga magasin ang tatlo ka espesipiko nga butang nga ginasiling sang Biblia para makilala ang maayo nga relihion.”

Magmata! Agosto

“Tanan kita nangin biktima sang indi makatarunganon nga diskriminasyon. Ano sa banta mo ang ginabatyag sang Dios tuhoy sa pagpasulabi? [Tuguti sia sa pagsabat. Dayon basaha ang Binuhatan 10:34, 35.] Kon biktima kita sang diskriminasyon, ang Biblia makabulig sa aton nga malandas ini. Makabulig man ini sa aton nga madula ang bisan ano man nga pagpasulabi nga ginabatyag naton. Ginapaathag ini sa sini nga magasin.”