Repaso sa Teokratikong Eskwelahan Para sa Ministeryo

Ang masunod nga mga pamangkot pagabinagbinagon sa Teokratikong Eskwelahan Para sa Ministeryo sa semana sugod sa Agosto 30, 2010. Pagadumalahan sang manugtatap sang eskwelahan ang 20-minutos nga repaso base sa materyal nga gintuptupan sa mga asaynment sugod sa semana sang Hulyo 5 asta Agosto 30, 2010.

1. Paano ang pagpamalandong sa pangamuyo ni Solomon sa tion sang inagurasyon makapabakod sang aton apresasyon sa kinaiya ni Jehova? (1 Hari 8:22-53) [w05 7/1 p. 30 par. 3; it-2-E 989 par. 4]

2. Ngaa masiling nga bisan pa sa madamo nga sala ni David, naglakat sia sa atubangan ni Jehova “sa kalubus sang tagipusuon”? (1 Hari 9:4) [w97 5/1 p. 5 par. 1-2]

3. Ngaa nagsiling ang hara sang Sheba kay Solomon: “Bulahan ini nga imo mga alagad, nga yara sa dalayon sa imo atubangan nga nagapamati sang imo kaalam!”? (1 Hari 10:4-8) [w99 11/1 p. 20 par. 5-7]

4. Ano ang mahinakop naton sa kamatuoran nga nagsugo si Jehova nga hatagan sing disente nga lubong si Abias? (1 Hari 14:13) [cl p. 244 par. 11]

5. Ano ang kapuslanan sang tion sa una nga pagkadto ni Elias kay Ahab? (1 Hari 17:1) [w08 4/1 p. 19, kahon]

6. Ano ang buot silingon ni Elias sang ekspresyon nga ‘pagpiniang sa tunga sang duha ka panghunahuna’? (1 Hari 18:21) [w08 1/1 p. 19 par. 3-4]

7. Subong sang ginpakita sa bahin ni Elias, ano ang katuyuan ni Jehova sa paggamit sang iya gahom may kaangtanan sa iya mga alagad? (1 Hari 19:1-12) [cl p. 43 par. 15-16]

8. Ngaa nangindi si Nabot sa pagbaligya sang iya ulubasan kay Ahab, kag ano ang aton matun-an sa sini? (1 Hari 21:3) [w97 8/1 p. 13 par. 18-20]

9. Sa ano nga paagi “nagmatinatapon” ang babayi nga Sunemnon kay Eliseo? (2 Hari 4:13) [w97 10/1 p. 30 par. 6-8]

10. Ngaa wala ginbaton ni Eliseo ang mga dulot ni Naaman? (2 Hari 5:15, 16) [w05 8/1 p. 9 par. 2]