Nagamit Mo Na Bala ang Katapusan nga Pahina?

Kon magkuha ang mga tawo sing magasin, kinaandan na nga ginatan-aw nila ang panghapin kag dayon ang likod sini. Ang katapusan nga pahina sang pangpubliko nga edisyon sang Ang Lalantawan may pila ka makapainteres nga mga pamangkot kag mga dinalan upod ang pahina sa diin masapwan ang impormasyon parte sa sini.

Mahimo naton magamit ini nga bahin para makapautwas sing maayo nga pamangkot sa pagsugod sang paghambalanay. Kon masunson na naton ginabantalaan ang aton teritoryo, mahimo naton mabag-obag-o ang aton presentasyon sa bug-os nga bulan paagi sa paggamit sing lainlain nga pamangkot. Kon masako ang tagbalay, mahimo naton palip-uton ang aton presentasyon paagi sa pagpakita sa isa sang mga pamangkot sa katapusan nga pahina kag magsiling, “Kon luyag mo mahibaluan ang sabat, mahimo ko mabilin sa imo ini nga mga magasin, kag mahimo naton ini istoryahan sa imo kombeniente nga tion.” Ginasugdan sang pila ka manugbantala ang pag-istoryahanay paagi sa pagpakita sang katapusan nga pahina sang magasin sa tagbalay kag papilion sia sang pamangkot nga makapainteres sa iya. Nian ginatudlo nila kon diin masapwan ang sabat kag basahon ang teksto nga ila nahandaan. Mahimo nga may iban ka pa nga pamaagi sa paggamit sang katapusan nga pahina sang magasin para mapukaw ang interes sang mga tawo sa Ang Lalantawan.