Kon Ano ang Isiling Tuhoy sa mga Magasin

Ang Lalantawan Enero 1

Basaha ang Genesis 2:16, 17. Nian magsiling: “Nagasiling ang iban nga nahibaluan na sang Dios nga magapakasala si Adan. Nagapati ang iban nga indi sinsero ang paandam sang Dios kay nahibaluan na niya ang matabo sa ulihi. Ano sa banta mo? [Tuguti sia sa pagsabat.] Ginapaathag sang artikulo sa pahina 13 kon paano gingamit sang Dios ang iya ikasarang para hibaluon ang palaabuton.”

Magmata! Enero

“Nagapati ang iban nga ang pagtuo nabase lang sa balatyagon sangsa pangatarungan. Ano sa banta mo? [Tuguti sia sa pagsabat.] Suno sa Biblia, ang pagtuo dapat may basihan. [Basaha ang 1 Juan 4:1.] Ginapaathag sang artikulo sa pahina 28 kon paano naton mapat-od nga ang aton pagtuo napasad sa malig-on nga pangatarungan.”

Ang Lalantawan Pebrero 1

“Kinaandan na ang pagbulagay karon. Ano sa banta mo ang panguna nga rason? [Tuguti sia sa pagsabat.] Talupangda ining laygay nga nakabulig sa madamo nga mag-asawa. [Basaha ang 1 Corinto 10:24.] Ginabinagbinag sini nga magasin ang anom ka reklamo sang mga bana kag asawa kag kon paano makabulig ang pag-aplikar sang prinsipio sa Biblia.”

Magmata! Pebrero

“Nagadamo ang interesado sa mga bampira, aswang, kag salamangkero. Sa banta mo, indi ayhan malain ang pagpakigbahin sa espiritismo? [Tuguti sia sa pagsabat.] Talupangda ang paandam sang Dios sa dumaan nga Israel. [Basaha ang Deuteronomio 18:10-12.] Ginapakita sini nga magasin kon ano ang ginasiling sang Biblia parte sa espiritismo.”