Kon Ano ang Isiling Tuhoy sa mga Magasin

Ang Lalantawan Enero 1

“Sa banta mo mangin maayo ayhan ang kahimtangan sa kalibutan kon sundon sang tanan ining prinsipio sa Biblia? [Basaha ang Roma 12:18. Nian tuguti sia sa pagsabat.] Pero, wala ka bala natingala kon ngaa ginsugo sang Dios ang iya katawhan sang una nga makig-away? Ginapakita sini nga artikulo ang maathag nga sabat sang Biblia.” Ipakita ang artikulo sa pahina 13.

Magmata! Enero

Basaha ang Binuhatan 17:31a. Nian magsiling: “Kon mabatian sang madamo ang tinaga nga Adlaw sang Paghukom, ginakulbaan gid sila. Ano naman ang imo ginabatyag parte sa sini? [Tuguti sia sa pagsabat.] Ginatudlo sang Biblia nga ang Adlaw sang Paghukom magadul-ong sing madamo nga pagpakamaayo sa duta. Ginapaathag ini sa sini nga artikulo.” Ipakita ang artikulo sa pahina 10.

Ang Lalantawan Pebrero 1

“Madamo nga tawo ang nagapati nga kon mapatay sila, magakadto sila sa langit. Amo man bala sini ang pagpati mo? [Tuguti sia sa pagsabat.] Binagbinaga kon ano ang ginasiling sang Biblia parte sa padya para sa kalabanan nga matarong nga mga tawo. [Basaha ang Salmo 37:29.] Ginapaathag sini nga magasin ang ginasiling sang Biblia parte sa kon sin-o ang mapalangit kag kon ano ang ila himuon didto.”

Magmata! Pebrero

“Kinaandan na lang sa karon ang pagbulagay. Sa banta mo ginabinagbinag gid ayhan sang mga mag-asawa ang mangin resulta sini antes sila magdesisyon nga magbulagay? [Tuguti sia sa pagsabat. Nian basaha ang Hulubaton 14:15.] Ginasaysay sini nga magasin ang apat ka butang nga dapat binagbinagon sang mga mag-asawa kon nagahunahuna sila nga magbulagay.”