Indi Na Pagbinagbinagon ang Inadlaw nga Teksto sa mga Miting Para sa Pag-alagad sa Latagon

Sang nagligad, ginalakip sa mga miting para sa pag-alagad sa latagon ang malip-ot nga pagbinagbinag sa inadlaw nga teksto kon may kaangtanan ini sa ministeryo. May pagbag-o na ini. Indi na dapat binagbinagon ang Pag-usisa sa Kasulatan Adlaw-adlaw sa mga miting para sa pag-alagad sa latagon. Pareho sang una, magamit gihapon sang nagadumala ang Biblia, Ang Aton Ministeryo sa Ginharian, Eskwelahan Para sa Ministeryo, Reasoning, kag iban pa nga reperensia may kaangtanan sa pagministeryo. Ang mga naasayn sa pagdumala dapat maghanda sa pagpaambit sing pila ka praktikal nga impormasyon nga makabulig sa mga magua sa latagon sa sina nga adlaw. Pareho sang una, 10 asta 15 minutos ang kalawigon sini nga miting kag mas malip-ot pa kon nagasunod ini sa miting sang kongregasyon.