Magbantala sa “Tanan nga Sahi sang Tawo”

1. Paano ang maayo nga manugbantala kaangay sang isa ka eksperto nga panday?

¹ Ang sampaton nga panday may madamo nga kagamitan kag nakahibalo kon san-o kag paano ini gamiton. Sing kaanggid, may lainlain man kita nga galamiton nga makabulig sa aton sa pagbantala. Halimbawa, madamo nga brosyur ang ginbalhag nga may lainlain nga topiko agod buligan kita nga magbantala sa “tanan nga sahi sang tawo.” (1 Cor. 9:22) Makita sa nalakip nga suplemento ang pila sa sini nga brosyur kag nagapaathag kon para kay sin-o ini gindesinyo kag kon paano itanyag.

2. San-o naton mahimo gamiton ang mga brosyur sa pagbantala?

² San-o Gamiton ang mga Brosyur: Nakahibalo ang panday kon san-o niya gamiton ang isa ka partikular nga gamit. Sing kaanggid, dapat nakahibalo kita kon san-o gamiton ang isa ka brosyur. Mahimo naton ini itanyag kon sa banta naton nagakaigo ini sa tagbalay, bisan pa indi ini ang tanyag sa sina nga bulan. Halimbawa, kon nagabantala kita sa teritoryo nga ang kalabanan indi interesado sa Biblia kag ang tanyag amo ang libro nga Ginatudlo sang Biblia, mas maayo kon ang nagakaigo nga brosyur ang aton itanyag. Dayon kon napalambo na ang interes sang tagbalay, mahimo na naton ipahamtang ang Ginatudlo sang Biblia.

3. Ngaa dapat naton gamiton sing maayo ang aton kagamitan sa pagpanaksi?

³ Ginadayaw gid sang Biblia ang mga tawo nga sampaton sa ila hilikuton. (Hulu. 22:29) Wala na sing mas importante nga hilikuton karon sangsa “balaan nga hilikuton nga pagbantala sing maayong balita.” (Roma 15:16) Agod mangin “isa ka manugpangabudlay nga wala sing ginakahuya,” dapat naton gamiton sing maayo ang aton kagamitan.—2 Tim. 2:15.