Itanyag ang Daan nga Magasin Ukon ang Bisan Ano nga Brosyur nga Makapainteres sa Tagbalay

Sa mga binulan nga nagatanyag kita sing Ginatudlo Sang Biblia nga libro kag sing pagtuon sa Biblia sa una nga paghambalanay, ginapalig-on kita nga itanyag ang daan nga magasin ukon ang bisan ano nga brosyur nga makapainteres sa tagbalay kon may libro na sia kag indi magbaton sing pagtuon sa Biblia. Ngaa?

Ang mga brosyur kag daan nga mga magasin nagabinagbinag sing lainlain nga topiko nga mapuslanon gihapon. Mahimo may topiko sa isa sa sini nga mga publikasyon nga makatandog sa tagipusuon sang tagbalay. Gani kon nagapreparar sang imo galamiton sa pagbantala, ilakip ang pila ka brosyur kag daan nga mga magasin. Kon wala ka sing daan nga mga magasin, mahimo ka makakuha sa bulutangan sing mga magasin sa inyo kongregasyon. Nian kon ang tagbalay may ara na sing Ginatudlo Sang Biblia nga libro kag indi magbaton sing pagtuon sa Biblia, ipakita sa iya ang pila ka magasin kag brosyur kag papilia sia kon diin ang iya nanamian. Dayon, maghimo sing kahimusan nga magbalik agod matatap ang iya interes. Ayhan sa ulihi magatuon man sia sa Biblia.