MGA BAHANDI SA PULONG SANG DIOS | JUAN 5-6
Sunda si Jesus Upod ang Husto nga Motibo
Indi maintiendihan sang mga disipulo ni Jesus ang iya ilustrasyon, gani nasandad ang iban kag wala na nagsunod sa iya. Isa ka adlaw antes sini, ginpakaon sila ni Jesus paagi sa milagro, gani ginpamatud-an niya nga ang iya gahom halin sa Dios. Ti, ngaa nasandad sila? Kay sala ang ila motibo sa pagsunod kay Jesus. Interesado lang sila sa materyal nga mga butang nga makuha nila.
Dapat pamangkuton sang kada isa sa aton ang aton kaugalingon: ‘Ngaa nagasunod ako kay Jesus? Bangod lang bala sa makuha ko nga mga pagpakamaayo subong kag sa palaabuton? Ukon bangod ginahigugma ko si Jehova kag gusto ko sia pahamut-an?’
Ngaa mahimo masandad kita kon ang aton panguna nga rason sa pag-alagad kay Jehova amo ang masunod?
Nanamian kita mag-upod sa katawhan sang Dios
Gusto naton makaistar sa Paraiso