Pabalori ang Imo Kaangtanan kay Jehova

Ang mga Saksi ni Jehova may pinasahi nga pribilehiyo. Bilang nadedikar kag nabawtismuhan nga mga Cristiano, ginhatagan kita sing kahigayunan nga mangin suod sa Soberano nga Ginuo nga si Jehova. Ginbuyok niya kita sa iya paagi sa iya Anak. (Ju 6:44) Ginapamatian niya ang aton mga pangamuyo.—Sa 34:15.

Paano naton maamligan ang aton hamili nga kaangtanan sa Dios? Ang isa ka paagi amo nga indi naton pagsundon ang sala sang mga Israelinhon. Wala madugay pagkatapos sila nakigkatipan kay Jehova, naghimo sila sing bulawan nga tinday nga baka kag ginsimba ini. (Ex 32:7, 8; 1Co 10:7, 11, 14) Mahimo pamangkuton naton ang aton kaugalingon: ‘Ano ang ginahimo ko kon ginasulay ako nga maghimo sing malain? Ang akon bala ginahimo nagapakita nga ginapabaloran ko ang akon kaangtanan kay Jehova?’ Ang aton daku nga gugma sa aton Amay sa langit magabulig sa aton nga likawan ang mga butang nga ginadumtan niya.—Sa 97:10.

TAN-AWA ANG VIDEO NGA AMLIGI ANG IMO KAANGTANAN KAY JEHOVA (COL 3:5), DAYON SABTI ANG MASUNOD NGA MGA PAMANGKOT:

• Ano ang kakagod?

• Ngaa indi kita dapat mangin makagod kag magsimba sa mga diosdios?

• Ano ang kaangtanan sang pagpakighilahi kag pagsimba sa mga diosdios?

• Ngaa dapat siguraduhon sang mga may responsibilidad sa organisasyon nga mahatag nila ang kinahanglanon sang ila asawa ukon bana?