Gamita ang Magkabuhi sing Wala Katapusan! Para Pabakuron ang Pagtuo kay Jehova kag kay Jesus

Para mapahamut-an sang aton mga Bible study ang Dios, dapat may mabakod sila nga pagtuo. (Heb 11:6) Malab-ot naton ang ila tagipusuon paagi sa libro nga Magkabuhi sing Wala Katapusan! Ini nga libro may mga teksto, simple nga paathag, makapahunahuna nga mga pamangkot, makapalig-on nga mga video, kag matahom nga mga piktyur. Kon ginabuligan naton ang aton mga Bible study nga sundon ang mga kinaiya sang Cristo kag mangin suod sa Dios, pareho lang nga nagatukod kita nga nagagamit sang indi masunog nga mga materyales.—1Co 3:12-15.

Ang iban daw indi magpati nga puede nila mangin abyan ang Dios kay indi nila sia makita. Gani dapat naton sila buligan nga makilala si Jehova kag magsalig sa iya.

TAN-AWA ANG VIDEO NGA PABAKURA ANG PAGTUO KAY JEHOVA, PAAGI SA “MAGKABUHI SING WALA KATAPUSAN!” DAYON SABTI ANG MASUNOD NGA MGA PAMANGKOT:

• Ngaa makasiling kita nga nakahanda gid ang sister sa pag-Bible study?

• Paano sia naggamit sing dugang nga pamangkot nga ginpamensaran sing maayo para mapabutyag sang Bible study kon ano ang iya masiling parte sa Isaias 41:10, 13?

• Ano ang epekto sang video kag sang mga bersikulo sa Biblia sa iya Bible study?

Madamo ang wala nakahibalo kon ano ang buot silingon sang gawad, ukon para sa ila indi ini personal nga regalo sang Dios sa ila. (Ga 2:20) Gani dapat naton sila buligan nga magbakod ang ila pagtuo sa halad-gawad ni Jesus.

TAN-AWA ANG VIDEO NGA PABAKURA ANG PAGTUO KAY JESUS, PAAGI SA “MAGKABUHI SING WALA KATAPUSAN!” DAYON SABTI ANG MASUNOD NGA MGA PAMANGKOT:

• Ngaa makasiling kita nga nakahanda gid ang brother sa pag-Bible study?

• Paano niya gingamit ang seksion nga “Dugang nga Impormasyon” suno sa kinahanglanon sang iya Bible study?

• Ngaa importante ang pangamuyo sa imo Bible study?