Gamita ang Imo “Espirituwal nga Dulot”

Nalipay gid kita kon kaupod naton ang aton mga kauturan kay makapalig-unanay kita. Pero para mas mapalig-on pa gid kita, ang Biblia nagasiling nga dapat naton gamiton ang aton “espirituwal nga dulot.” (Roma 1:11, 12) Paano naton ini magamit?

Paagi sa imo mga ginahambal. Halimbawa, kon nagakomento kita sa mga miting, dapat wala ini nakapokus sa aton kaugalingon. Mas maayo kon parte ini sa aton natun-an kay Jehova, sa Biblia, kag sa iya matutom nga mga alagad. Kon kaupod naton ang aton mga kauturan, mas maayo kon makapalig-on ang aton ginaistoryahan.

Paagi sa imo mga desisyon kag ginahimo. Halimbawa, makapalig-on gid ang mga utod nga nagapadayon sa pag-alagad sing bug-os tion bisan pa madamo sila sing kabudlayan. Makapalig-on man ang mga utod nga naga-attend sa midweek miting bisan pa nakapoy sila sa ila obra ukon may malala sila nga balatian.

Makapalig-on bala sa imo mga kauturan ang imo mga ginahambal kag ginahimo? Kag ginaapresyar mo bala ang ila mga ginahimo para mapalig-on ka?