Pabakura ang Imo Pagsalig nga Luwason Ka ni Jehova

Basaha ang Numeros 13:25–14:4 kag hibalua kon paano ginpakita sang mga Israelinhon nga wala sila nagasalig kay Jehova.

Tun-i sing maayo ang mga teksto antes kag pagkatapos sini. Sang naghalin ang mga Israelinhon sa Egipto, ngaa makasiling kita nga may rason gid sila kuntani nga magsalig nga masarangan sila luwason ni Jehova? (Sal. 78:12-16, 43-53) Ano ang rason kon ngaa nadula ang ila pagsalig kay Jehova? (Deut. 1:26-28) Paano ginpakita ni Josue kag ni Caleb nga nagsalig sila kay Jehova?—Num. 14:6-9.

Usisaa pa gid sing maayo ang hitabo. Ano kuntani ang ginhimo sang mga Israelinhon para pabakuron ang ila pagsalig kay Jehova? (Sal. 9:10; 22:4; 78:11) Ngaa dapat naton tahuron si Jehova para mapakita naton nga nagasalig kita sa iya?—Num. 14:11.

Hibalua kon ano ang matun-an mo. Pamangkuta ang imo kaugalingon:

• ‘Sa ano nga mga sitwasyon nga posible mabudlayan ako nga ipakita ang akon bug-os nga pagsalig kay Jehova?’

• ‘Paano ko mapabakod ang akon pagsalig kay Jehova subong kag sa palaabuton?’

• ‘Ngaa indi ako dapat mahadlok sa tion sang dakung kapipit-an?’—Luc. 21:25-28.