Pahina sang Tig-ulo/​Pahina sang mga Manugbalhag

2009 Tuigan nga Libro Sang Mga Saksi ni Jehova

Nagaunod sang Report sang 2008 nga Tuig sang Pag-alagad

Ini nga libro ginapanag-iyahan ni ․․․․․

“Magpanaksi Sing Maid-id sa Maayong Balita.”—BINU. 20:24.

Natapos ni apostol Pablo ang iya tatlo ka paglakbay subong misyonero kag nakaeksperiensia sia sing mga problema kag mga pagpakamaayo. Karon manugpakadto na sia sa Jerusalem. Wala sia nagapaabot sing mainit nga pag-abiabi sang mga tawo didto bangod nagahulat sa iya ang “mga gapos kag mga kapipit-an.” (Binu. 20:23) Apang, wala sia nahadlok. Sa Mileto, ginsilingan niya ang mga gulang sa kongregasyon sang Efeso: “Wala ko ginakabig ang akon kalag nga mahal sa akon, agod lamang matapos ko ang akon dalaganon kag ang ministeryo nga akon nabaton kay Ginuong Jesus, nga magpanaksi sing maid-id sa maayong balita tuhoy sa wala tupong nga kaayo sang Dios.”—Binu. 20:24.

Ginpabaloran ni Pablo ang iya kabuhi, apang ang paghimo sang kabubut-on sang Dios amo ang labing importante para sa iya. Amo man sini karon ang ginabatyag sang mga Saksi ni Jehova sa bug-os nga kalibutan. Bisan pa gintagna ni Jesus nga “dumtan [sila] sang tanan nga pungsod,” ginadala sang katawhan sang Dios ang maayong balita sa mga ukbong sang duta kag maisog sila nga nagapanaksi sa halos tanan nga pungsod. (Mat. 24:9) Kabay nga ang tuigan nga teksto para sa 2009 magapahulag sa imo nga magpanaksi sing wala untat, sa amo mapakita mo ang imo apresasyon sa wala tupong nga kaayo sang Dios.

[Picture Credit Line sa pahina 2]

Photo Credits: Page 168: Franc Drozg, letter; Photo Archive-​Museum of National Liberation Maribor, Slovenia