Kon May Trahedya nga Matabo

HALOS tanan nakaeksperiensia sang trahedya, bisan ang mga tawo nga daw halos ara na sa ila ang tanan nga butang.

ANG BIBLIA NAGASILING:

“Ang palumba indi sa madasig, ukon ang inaway sa makusug, kag indi man ang kalan-on sa maalam, ukon ang manggad man sa mga tawo nga mahangponon, ukon ang kahamuut man sa mga tawo nga sampaton; kondi ang tion kag ang kahigayonan nagakahanabu sa ila tanan.”​—Manugwali 9:11.

Gani ang ginaistoryahan diri indi kon bala makaatubang ka sing kabudlayan, kundi kon ano ang himuon mo kon matabo ini. Halimbawa:

• Ano abi kon nadula ang tanan mo nga pagkabutang bangod sa kalamidad?

• Ano abi kon nabal-an mo nga may malala ka nga balatian?

• Ano abi kon napatay ang imo pinalangga?

Ang mga Saksi ni Jehova, nga nagahimo sini nga magasin, nagapati nga mabuligan ka sang Biblia indi lang para maatubang ang mga trahedya kundi para matigayon man ang mabakod nga paglaum sa palaabuton. (Roma 15:4) Binagbinaga ang tatlo ka eksperiensia.