Sampol nga mga Presentasyon

Sa Pagsugod sang Pagtuon sa Biblia sa Una nga Sabado sang Hulyo

“Ano ayhan ang ginabatyag sang Dios sa aton mga pangamuyo? Sa banta mo importante ini sa iya ukon balewala lang?” Tuguti sia nga magsabat. Ipakita ang likod sang Hulyo 1 nga Lalantawan, kag binagbinaga ninyo ang una nga pamangkot kag bisan isa lang sa ginsambit nga teksto. Itanyag ang mga magasin, kag maghimo sing kahimusan nga magbalik para binagbinagon ang masunod nga pamangkot.

Ang Lalantawan Hulyo 1

“Bangod labing gamhanan ang Dios, sa banta mo sia bala ang balasulon sa tanan nga malain nga nagakatabo sa kalibutan? [Tuguti sia nga magsabat. Dayon basaha ang Santiago 1:13.] Ginapaathag sini nga magasin kon ngaa nagakatabo ang malain nga mga butang kag kon ano ang himuon sang Dios para dulaon ang kalautan kag pag-antos.”

Magmata! Hulyo

“Tanan kita puede makaatubang sing trahedya, subong sang kinaugali nga kalamidad, malubha nga balatian, ukon pagkapatay sang isa ka hinigugma. Kon matabo ini sa aton, sa banta mo makabulig ayhan kon mangin positibo kita? [Tuguti sia nga magsabat.] Napamatud-an sang iban nga makabulig ang Biblia sa pag-atubang sa mga trahedya. [Basaha ang Roma 15:4.] Ginapaathag sini nga magasin kon paano makabulig sa aton ang Biblia kon makaatubang kita sing trahedya.”