Nagalala nga Sitwasyon sa Kalibutan—Paano Mo Ini Atubangon?
Pamatyag mo bala apektado ka na gid sang mga problema sa kalibutan subong? Ang masunod bala nga mga kahimtangan nagakatabo man sa inyo lugar?
giyera
epidemia
kalamidad
kapigaduhon
diskriminasyon
pagpamintas
Kon may malain nga matabo, pareho sang trahedya ukon kalamidad, madamo nga biktima ang nagaka-shock kag nagakadulaan sing paglaum. Ang iban naman nagakaurungan kag daw nagapabaya lang. Pero kon magpadayon ina nga reaksion sa malawig nga tion, magaresulta ina sa lain pa gid nga problema.
Kon may mabudlay nga sitwasyon, dapat may himuon ka dayon para proteksionan ang imo mga pinalangga, ang imo panglawas, ang imo palangabuhian, kag ang imo kalipay.
Ano ang puede mo himuon subong para haganhagan ang epekto sa imo sang nagalala nga sitwasyon sa kalibutan?