Ambahanon 21

Dayawon ang Ginharian ni Jehova!

(Bugna 11:17)

1. Dayawon ang Ginharian,

Nga karon natukod na.

Si Miguel sa manga langit,

Ang Yawa nalutos n’ya.

Ang Yawa, manga demonyo,

Malapit na gapuson.

Nian ipalapnag ni Cristo,

Dios ang pagadayawon.

2. Ang matutom nga “nabilin”

Nga yara sa unahan,

’Gadayaw sa Ginharian

Nga ila maaguman.

Ang manga nagalaum nga

Paraiso ang puyan,

Magabulig pamatuod

Tuhoy sa Ginharian.

3. Magdayaw nga may kasadya!

Magtudlo sing padayon;

Mahagop aton buligan,

Ginharian sakdagon.

Dayawon ang Ginharian

Aton ipakilala.

Dalhon n’ya kabulahanan,

Pagdayaw kay Jehova.