Ambahanon 105

Dayawon ang Panganay ni Jehova!

(Hebreo 1:6)

1. Dayawon ang Panganay

—Manunubli sang Dios—

Kutob sang gintuga sia,

Nagtuman sing bugos.

Tanan iya ginhimo

Sa langit kag duta;

Subong humalambal n’ya,

Ang Dios ginhimaya.

2. Bisan sa dagway sang Dios,

Di sia nagtinguha

Nga mangin tupong sa Dios,

Nga agawan n’ya sia.

Apang sia nagpaubos,

Nangin tulad naton

Agod dayawon ang Dios,

Kag tawo buhion.

3. Sa tuo ni Jehova

Si Cristo ginbutang

Agod ang iya ngalan

Iya mabalaan.

Kag nian sa Armagedon,

Kaaway laglagon,

Ang matarong apinan,

Kalinong maagom.

4. Gani Panganay sang Dios

Aton nga dayawon!

Kag ang kamatuoran

Ibalita naton.

Kon ano ang himuon

Itudlo sa iban,

Agod Panganay sang Dios

Ila dayawon man.