Ambahanon 22

Pagpamati sa Mensahe ni Judas

(Judas 21)

1. Ang mensahe ni Judas

Iya ginpautwas,

Laygay nga nagatandog

Agod di mahulog.

Ang maayo n’ya nga laygay

’Gapaisog sa aton.

Sa pagtuo nagapaligon.

2. Ang kasaypanan hayag

Paandam maathag.

Ang Yawa ’gapatalang,

Apang natukiban.

Iya ginatinguhaan

Nga Dios aton lapson;

Gusto n’ya nga sia ang simbahon!

3. Aton nga pagadagon

Pagsulay sa aton.

Sa gugma ni Jehova

’Gapadayon kita.

Likawan ang pagkahulog,

Laygay ni Judas sundon.

Magbantay sa tanan nga tion.

4. Gani, ipakigaway

Pagtuo nga tunay.

Kaluoy kag kalinong

Aton pauswagon.

Kay Jehova nga aton Dios

Paagi sa kay Jesus,

Ihatag pagtahod sing bugos.