Ambahanon 42
“Ini ang Dalan”
1. ’Gapanawag ang Dios; lakat sa dalan,
Iya ginpakita sa aton tanan.
May napilian sia nga aton agyan,
Sa sining paagi, sia mabatian.
Dalan ini nga paglaktan.
Di maghulat! Ini sundan!
Nabatian naton, maathag nga hangpon.
Ini aton paghambalan.
Espiritu sang Dios kita tuytuyan.
Ang husto nga dalan ang aton agyan.
2. Nabatian naton nga sa katahom,
Dalan nga gintudlo sang Dios sa aton.
Sing mahinalungon, sia pamatian.
Sayop nga tikang ang aton andaman.
Dalan sang Dios aton laktan,
Masanag gid kag balaan.
Tungod sa pagtuo, kita ’kahibalo,
Yara na ang Ginharian.
Lakat sing diretso sa iya dalan,
Kag maaguman mo ang kauswagan.
3. Dalan ni Jehova ipahibalo
Sa magapamati nga manga tawo.
Tulad salampati, may tilipunan,
Ang matuod nga Dios, ila Dalangpan.
May kalinong kita tanan.
Hilway na sa kalibutan.
Dalan nga matarong, banas nga matahom,
Ang kabuhi maaguman.
Ang paglakat naton aton dasigon,
Kay ang Ginharian aton paglaum.