Ambahanon 49
Daku nga Dios, Jehova!
1. Dios nga Jehova, Labing Gamhanan,
Kami nagaambahan, Dalan mo amon laktan.
Hari, Hukom, kag ’Gahatag sugo.
May salabton kami adlaw nga tanan.
O Dios, maayo ka; tuman kaayo.
Himuon namon ang imo gusto.
Karnero pakanon, ngalan padunggan,
Alagdon ka diin man kinahanglan.
Ang Manugbulig, ang Manugaman.
Ikaw mahinatagon.
2. Dios nga Jehova, ikaw Balaan,
Amon nga nahamutan Nga ikaw alagaran.
Ang Tuburan sang amon kaligon,
Ikaw ang amon nga ginatuaran.
O Dios, mahigugmaon ka, makusog.
Sa imo bulig, kami mabaskog.
Katuyuan mo ipahayag namon
Ikaw lamang ang amon alagaron.
Ikaw Taming kag Kuta sa amon,
Ikaw amon saligan.
3. Dios nga Jehova, ang Manugbantay,
Ikaw nagaatipan, Kami ginaulikdan.
Ikaw ang amon nga Manunubos.
Pirme ka namon mapangamuyuan.
O Dios, ikaw mabugayon, maalwan.
Sa imo suod agod lugpayan;
Ngalan mo hamili, makita namon
Nga imo gintuyo imo himuon.
Dios nga Jehova, Labing Mataas,
Ikaw gid lamang ang Dios.