Ambahanon 67

Magtipon Sing mga Bahandi sa Langit

(Mateo 6:20)

1. Higugmaon si Jehova,

Ang Amay sang kapawa!

Maayo nga manga dulot

Nagagikan sa iya.

Pagkaon, balay, panapton,

Kag duta, ulan, binhi.

Aton sia pasalamatan,

Tagsakdag sang kabuhi.

2. Di buhat nga maalamon

Nga gamiton panahon,

Pagtipon manga bahandi

Di mapinadayunon!

Sa baylo mangin kontento

Kon ano ang sa aton,

Kag sa tunay nga kabuhi

Magkapyot sing maligon.

3. Ang kusog, tion, kag manggad

Sa “imol” tagamiton,

Sa “gutom” ang Ginharian

Igabantala naton.

Ang Dios mangin abyan naton

Kon mayong binuhatan;

’Gatipon manga bahandi

Nga wala ’gataliwan.