Ambahanon 186
Ang Aton Diosnon nga Kalipay
1. Sa pagbatas kinahanglan
Diosnon nga kalipay.
Ang kalipay, ’gagikan sa
Pagtuo nga tunay.
Indi ini umalagi;
Pirme kinahanglan.
Siling sang Dios: “Magkalipay!”
Himuon sang tanan.
2. Kita may kalipay bangod
Aton nga kilala
Si Jehova kag si Cristo;
Kita ’gahiusa.
Di madugay nga ang tanan
Sa Dios magadayaw.
Ang sa Hades magabalik
Kag magahinugyaw.
3. Mangin labi ang kalipay
Kon Dios alagaran;
Tagipusuon amligan,
Malain likawan.
Pirme handa sa pagdayaw
Sa tanan nga tion;
Kag nian ginahunahuna
Ang nagapaligon.
4. Sa paglakat sa iya nga
Makitid nga dalan,
Ang kalipay aton padya
Kay sia ginatuman.
Ini ’gatanda sa aton
Nga iya ulipon.
Agod bugana kalipay,
Iban paambiton.