Ambahanon 220
Aton Paraiso: Karon kag sa Palaabuton
1. Ikaw, Jehova, dalayawon
Tungod sa Paraiso.
Sa pagtinipon, pangamuyo
Kami nabuligan mo.
Salamat sa imo
Nga pagbulahan.
Sa imo serbisyo
May kaumpawan.
Gugma sa imo kag sa tawo
Ang wagkus nga mapagon.
Nagahiusa sa serbisyo
Agod makapadayon.
2. Ang pagpatuman sing matarong
Kay Jesus mo gintugyan.
Nagagahom na sia sa langit
Sa iya Ginharian.
Sa imo, Jehova,
Kami ’gadayaw,
Kay imo pagtipon
Makahalawhaw.
’Tani ang amon pagginawi
Bagay sa ginatudlo,
Agod wala gid sing masandad
Sa manga karnero mo.
3. Sa pagkatapos sang inaway
Sa Dios ang kadalagan.
Kag nian ang Yawa kag demonyo
Dalhon sa kadadalman.
Alagad mo sadto
Liwat mabuhi
Sa Paraiso mo
Nga isaguli.
Ang manga tawo mangin himpit
Paagi sa pagtubos;
Kag nian sa duta, sa gihapon,
Kalipay mangin bugos.