Ambahanon 122
Pagginawi Subong “Kubos”
1. Labing nahamutan karon
’Gatuman sa panudlo.
Ang ’gasunod kay Jehova,
Ang paguswag maayo.
Apang kita indi himpit.
Dapat naton matunan
Nga sing mapainubuson
Dios aton pasakupan.
2. ‘Magginawi subong kubos,’
Si Cristo nagpaligon.
Ang kalinong, paghiusa
Ang aton nga maagom.
Sia maayong halimbawa.
Iya gid nahamutan
Pagpasakop sa iya Dios
Kag bugos nga pagtuman.
3. Pagpadungog kada isa,
Ini aton unahon.
Kay napatay man si Cristo
Sa kada utod naton.
Kauturan iya sang Dios.
Tagsa may kinaadman.
Gani mangin subong “kubos”
Kag pagkatimbang huptan.
4. Prinsipio sang pagkaulo
Bulig sa pagkilala
Kon paano magpaumod,
Pagpadaku sa gugma.
Agod nga indi masandad
Dios ’gatuytoy sa aton.
Kon sa Dios may pagpaubos,
Maayo ang relasyon.