Minilyon ka Espiritu nga mga Tinuga

Ang Biblia nagasugid sa aton nga may madamong espiritu nga mga persona. Si Jehova mismo espiritu.—Juan 4:24; 2 Corinto 3:17, 18.

Sang isa ka tion si Jehova nagaisahanon sa uniberso. Nian nagsugod sia sa pagtuga sang espiritu nga mga persona nga ginatawag mga anghel. Mas gamhanan sila kag mas intelihente sang sa mga tawo. Si Jehova nagtuga sing madamong mga anghel; nakita sang alagad sang Dios nga si Daniel, sa isa ka palanan-awon, ang linaksa ka mga anghel.—Daniel 7:10; Hebreo 1:7.

Ining mga anghel gintuga sang Dios sa wala pa niya ginhimo ang duta. (Job 38:4-7) Wala sing isa sa ila ang mga tawo nga nagkabuhi anay kag napatay sa duta.