Si Jehova​—Huwaran sang Gugma

1. Jehova nga Dios aton nga huwaran,

Sang gugma,

Sang gugma.

Katawhan niya, iya gingiyahan

Agod sila

’Di-magluya.

Dios nagaagda sing mahigugmaon

Nga aton sundon dalan nga matarong,

May paghiusa kon mahidaiton.

Si Jehova,

Ang Dios sang gugma.

2. Ang gugma naton sa ’ton kauturan,

Matuod,

Mabakod.

Magapahulag sa ’ton nga buligan

Mga utod,

Aton utod.

Kag kakulangan nila patawaron,

Kag higugmaon sila sing padayon.

Gugma sang Amay aton gid nga sundon.

Ipakita,

Tunay nga gugma.

3. Pagsimba naton tinagipusuon,

Tayuyon,

Padayon.

Nalipay kita nga Dios alagaron

Kag dayawon,

Sing padayon.

Isugid naton ang iya nga ngalan

Kag ibantala ang kamatuoran,

Agod katawhan aton mabuligan.

Ini gugma,

Tunay nga gugma.