Sin-o ang Matuod nga Dios?

Isa lang ang matuod nga Dios, kag ang iya ngalan amo si Jehova. (Salmo 83:18, NW) Bangod isa sia ka Espiritu, indi naton sia makita. Ginahigugma niya kita kag gusto niya nga higugmaon man naton sia. Gusto niya nga higugmaon man naton ang iban nga tawo. (Mateo 22:35-40) Sia ang Labing Gamhanan, ang Manunuga sang tanan nga butang.

Ang una nga gintuga sang Dios amo ang isa ka gamhanan nga espiritu nga persona. Nakilala sia sang ulihi nga si Jesucristo. Gintuga man ni Jehova ang mga anghel.

Gintuga ni Jehova ang tanan sa langit . . . kag sa duta. Bugna 4:11

Gintuga ni Jehova nga Dios ang mga bituon, ang duta, kag ang tanan nga ara sa sini.—Genesis 1:1.

Gintuga sang Dios ang una nga tawo nga si Adan halin sa yab-ok.—Genesis 2:7.