TULUN-AN 17

Mahangpan sang Iban

1 Corinto 14:9

KON ANO ANG HIMUON: Buligi ang imo mga tagpalamati nga mahangpan ang imo mensahe.

Tun-i sing maayo ang imo materyal. Hangpa sing maayo ang topiko para mapaathag mo ini sing simple kag sa imo kaugalingon nga mga tinaga.
Maggamit sing malip-ot nga mga dinalan (sentence) kag simple nga mga prase. Mas maayo nga gamiton ang malip-ot sangsa malaba nga mga prase kag dinalan para mapaalinton ang yabi nga mga punto.

Indi pag-ilakip ang indi kinahanglanon nga detalye nga magapalibog kag magapabudlay sa imo mga tagpalamati. Gamita ang simple nga mga dinalan sangsa komplikado nga mga dinalan.
Ipaathag ang indi pamilyar nga mga termino. Limitahi ang paggamit sing mga ekspresyon nga indi pamilyar sa imo mga tagpalamati. Kon kinahanglan gamiton ang indi pamilyar nga termino, karakter sa Biblia, ukon dumaan nga takus ukon kustombre, dapat ini ipaathag.