PAGSUGOD SA PAG-ISTORYAHANAY
LEKSION 1
Magpakita sing Interes
Prinsipio: ‘Ang gugma wala nagapangita sang kaugalingon nga kaayuhan.’—1 Cor. 13:4, 5.
Ang Ginhimo ni Jesus
1. Tan-awa ang VIDEO, ukon basaha ang Juan 4:6-9. Dayon binagbinaga ang masunod nga mga pamangkot:
Ano ang naobserbahan ni Jesus sa babayi antes sia nakig-istorya sa iya?
Si Jesus nagsiling: “Paimna ako.” Ngaa epektibo ang iya paagi para makasugod sia sa pag-istoryahanay?
Ano ang Matun-an Naton kay Jesus?
2. Mangin maayo ang aton pagpakig-istorya sa iban kon istoryahan naton ang topiko nga gusto nila.
Iluga si Jesus
3. Mag-adjust. Indi pag-ipilit ang topiko nga nahandaan mo na. Sugdi ang pag-istoryahanay parte sa mga butang nga mahimo ginapamensar nila sa sina nga adlaw. Pamangkuta ang imo kaugalingon:
‘Ano ang balita subong?’
‘Ano nga topiko ang ginaistoryahan sang akon mga kaingod, kaupod sa obra, ukon mga classmate?’
4. Mag-obserbar. Pamangkuta ang imo kaugalingon:
‘Ano ang ginahimo sang akon kaistorya? Ano ayhan ang iya ginapamensar?’
‘Base sa pamayo, hitsura, ukon balay sang akon kaistorya, ano ang ginasugid sini parte sa iya ginapatihan ukon kultura?’
‘Amo bala ini ang maayo nga tion nga istoryahon sia?’
5. Mamati.
Likawi nga ikaw lang ang magsige hambal.
Pahambala ang imo kaistorya. Kon nagakaigo sa sitwasyon, pamangkuta sia.