Mangin Simple

Ang Ginhimo ni Jesus

VIDEO: Gintudlo ni Jesus ang Parte sa Pag-ulikid sang Aton Amay sa Aton

1. Tan-awa ang VIDEO, ukon basaha ang Mateo 6:​25-27. Dayon binagbinaga ang masunod nga mga pamangkot:

1. Paano gintudlo ni Jesus ang parte sa pag-ulikid ni Jehova sa aton?

2. Bisan pa madamo sing nahibaluan si Jesus parte sa mga pispis, sa ano nga simple nga detalye sia nagpokus? Kag ngaa epektibo ini nga paagi sang pagtudlo?

Ano ang Matun-an Naton kay Jesus?

2. Kon simple ang aton pagtudlo, mas madumduman ini sang mga tawo kag matandog ang ila tagipusuon.

Iluga si Jesus

3. Likawi nga ikaw lang ang nagahambal. Imbes nga isugid ang tanan mo nga nabal-an parte sa topiko, magpokus sa materyal nga inyo ginatun-an. Pagkatapos mo mapamangkot ang imo Bible study, mapinasensiahon nga hulata ang iya sabat. Kon wala sia nakahibalo ukon sala ang iya sabat, mamangkot sing dugang para buligan sia nga maintiendihan ang inyo ginatun-an. Kon naintiendihan na niya ini, magsaylo sa masunod nga punto.

4. Buligi ang imo Bible study nga maintiendihan niya kon ano ang koneksion sang iya bag-o nga natun-an sa iya nabal-an na nga daan. Halimbawa, antes ninyo sugdan ang leksion parte sa pagkabanhaw, puede mo anay rebyuhon sing makadali ang iya natun-an parte sa kahimtangan sang patay.

5. Pilia ang nagakaigo nga ilustrasyon. Antes maggamit sang ilustrasyon, pamangkuta ang imo kaugalingon:

1. ‘Simple bala ini nga ilustrasyon?’

2. ‘Maintiendihan bala ini sang akon Bible study?’

3. ‘Makabulig bala ini sa akon Bible study nga madumduman ang panguna nga punto kag indi ang ilustrasyon lang?’