Ang “The Watchtower” Nangin Dulongan

Sang Hulyo 1879 ang nahauna nga guwa sini nga magasin nagsiling: “Subong ginapakita sang iya ngalan, ginatuyo sini nga mangin lalantawan diin ang mga bagay nga makawiwili kag mapuslanon mahimu nga ipahibalo sa ‘diutay nga panong.’” Ang The Watch­tow­er nagaserbe man sing espirituwal nga pagkaon sa “daku nga panong” sang hanuot nga mga tawo nga nagapaabot nga makatigayon sang kabuhi nga walay katapusan diri sa duta.—Lucas 12:32; Bugna 7:9-17.

Subong nga ang sirkulasyon sang The Watch­tow­er nagadugang amo man ang kadamuon sang mga pamulong nga ginaguwaan sini. Karon, ining mga pamulong may kabug-osan nga 102. Ginapakita sang mga report nga ang bag-ong mga suskripsion sang The Watch­tow­er (Ang Lalantawan) kag sang iya kaupod nga magasin nga ­Awake! (Magmata!) nagdugang sing talalupangdon sang nagligad nga 70 nga tuig. Amo man ang napahamtang nga indibiduwal nga mga kopya sa latagon. Yari ang pila ka mga kadamuon:

Tuig Bag-ong Suskripsion Magasin nga Napahamtang

1914 2,746 95,973

1944 292,258 9,293,913

1964 1,551,436 127,055,165

1984 1,812,221 287,358,064

Karon nalab-ot naton ang isa pa ka importante nga hitabo sa 105 ka tuig nga maragtas sang The Watch­tow­er—ang iya dulongan nga pagkabalhag sa 20 kag kapin pa ka pamulong. Isa gid ka makalilipay nga hitabo! Kabay nga padayon nga gamiton ni Jehova ini nga magasin sing gamhanan sa pagbantala sang iya Ginharian paagi kay Cristo Jesus!

[Mga Laragway sa pahina 8, 9]

Sweko

Danes

Norwego

Pinlandes

Portugues

Aleman

Sepedi

Sesotho

Tsonga

Zulu

Olandes

Pranses

Espanyol

Italyano

Aprikaan

Hapones

Tswana

Venda

Xhosa

Cibemba