Pagkabuhi nga May Kaligdong sing Hunahuna kag Pagkamatarong
1 Nagapuyo kita sa isa ka kalibutan nga may makusog nga impluwensia sa pagkadidiosnon. Ang mga talaksan sining sistema padayon nga nagausmod. (2 Tim. 3:3) Subong mga Cristiano, dapat kita magtindog sa kon ano ang husto kag maghangop kon ngaa dapat naton ina himuon sing padayon. Apang anong panuytoy kag giya ang matigayon? Anong mga talaksan ang dapat naton sundon? Ang “Pagkabuhi nga May Kaligdong sing Hunahuna kag Pagkamatarong” amo ang makapalig-on nga tema nga napili para sa aton programa sa pinasahi nga adlaw sang asambleya sa 1993.—Tito 2:12.
2 Paagi sa mga pamulongpulong, mga pasundayag, kag mga eksperiensia, mahibaluan naton kon paano naton pabakuron ang aton kaugalingon sa pagbato sa pagkadidiosnon kag sa pagsikway sa kalibutanon nga mga kailigbon. Makita man naton kon paano mahimo magkabuhi nga may kaligdong sing hunahuna kag pagkamatarong sa tunga sining malaut nga sistema. Ihatag ang mga aman sa pagbulig sa aton nga amligan ang aton mga panghunahuna. (1 Ped. 4:7) Ang mga ginikanan kag mga pamatan-on labi na nga maluyag sa paghatag sing igtalupangod sa mga pamulongpulong kag mga interbyu sa programa sa hapon. Magapadaku ini sang kinahanglanon sa pagtigayon sing diosnon nga kaalam kag eksperiensia kag sa pagpangabudlay sing tingob sa pagtukod sing malipayon nga teokratikong palaabuton.
3 Bisan pa ginapalibutan sang didiosnon nga kalibutan, ang Pulong sang Dios nagatudlo sa aton sang pinakamaayong dalanon nga sundon. Ang mga benepisyo sang pagpamati sa laygay sang Biblia ipadaku sa pamulongpulong nga “Pakabahandia ang Inyo mga Pagpakamaayo sa Tunga sang Walay Kalipay nga Kalibutan.” Samtang nagahanda kita sa pagtambong, luyag naton huptan sa hunahuna nga ang pagpamati sing maayo sa programa kag pag-aplikar sang laygay magahimo sa aton nga mas epektibo sa aton pag-alagad kay Jehova.—Filip. 3:15, 16.