Hanasa ang Inyo Kaugalingon nga ang Inyo Tulumuron Amo ang Diosnon nga Debosyon

¹ Ang Teokratikong Eswelahan sa Pagministro progresibo nga nagahanas sa aton ‘sa paggamit sing matadlong sang pulong sang kamatuoran.’ (2 Tim. 2:15) Nagpalista ka na bala? Kon wala pa kag ikaw kalipikado, ngaa indi magbenepisyo paagi sa pagpalista sa karon?

² Ang importante nga bahin sang eskwelahan amo ang programa sang semanal nga pagbasa sa Biblia. Ang inyo personal nga iskedyul sa pagtuon dapat maglakip sang pagbasa sa gintangdo nga mga kapitulo agod nga sa ulihi mabasa ninyo ang bug-os nga Biblia.

³ Sugod sa 1993 nga iskedyul sang eskwelahan, ang pagbasa sa Biblia nga nagatuptop sang Pamulongpulong Num. 2 pagabasahon sing diretso nga wala sing utod-utod. Nagakahulugan ini nga ang estudyante nga nagahatag sini nga pamulongpulong magahatag sing paathag sa iya introduksion kag konklusion lamang. Ang utod nga lalaki nga natangdo sa paghatag sing mga talalupangdon nga punto sa Biblia magalatid sang iya mga komento sa mga bersikulo nga natangdo para sa Pamulongpulong Num. 2 agod ang magahatag sina nga pamulongpulong bug-os nga makabilog sang iya impormasyon sa pagbasa sa Biblia.

⁴ Ang manugtatap sang eskwelahan magamarka sang Speech Counsel slip sadtong nagahatag sing mga Pamulongpulong Num. 2, 3, kag 4. Indi kinahanglan nga sundon ang pagpasunod sa counsel slip apang mahimo makahatag sing laygay sa mga punto nga kinahanglan pauswagon sang estudyante. Indi kinahanglan nga markahan ang counsel slip sang humalambal nga nagahatag sing Asaynment Num. 1, apang mahimo ihatag ang pribado nga laygay kon kinahanglan.

⁵ Ang tanan nga kalipikado dapat maghimulos sing bug-os sa paghanas nga ginahatag sang Teokratikong Eskwelahan sa Pagministro. Ina nga paghanas magadul-ong sa mas mabungahon nga ministeryo.​—1 Tim. 4:7.