Gamita sing Epektibo ang mga Brosyur sa Agosto
1 Agod padasigon ang paghimo sing disipulo nga hilikuton, ang organisasyon nag-aman sing madamong brosyur nga nagapaathag sang lainlain nga mga tema, subong sang katuyuan sang Dios para sa duta, Trinidad, ngalan sang Dios, panguluhan nga Ginharian, kag pagpahanugot sang Dios sa kalautan. Paano naton gamiton sing epektibo ang mga brosyur?
2 Ang brosyur nga Nagaulikid Gid Bala ang Dios sa Aton? nagapaathag nga ang isa ka bag-ong kalibutan nga hilway sa pag-antos malapit na. Paano naton ini mapakilala? Ang mga panugda sarang makita sa Reasoning nga libro sa ubos sang “Suffering,” sugod sa pahina 393, ukon mahimo nimo pilion ang introduksion sa pahina 12 sa ubos sang tig-ulo nga “Injustice/Suffering.”
3 Mahimo ka makasiling:
◼ “Napamangkot mo na bala: ‘Nagaulikid gid bala ang Dios nga ang mga tawo nagaantos sing inhustisya kag pag-antos?’ ” Pasabta sia. Basaha ang Salmo 72:12-14. Nian buksi ang pahina 22 sang brosyur nga Nagaulikid Gid Bala ang Dios sa Aton? kag ipaathag ang mga tig-ulo sa bahin 10, pati na ang ilustrasyon sa pahina 23. Kon indi pagkuhaon ang brosyur, magtanyag sing tract, subong sang Paglipay Para sa Napung-awan ukon Kabuhi sa Mahidaiton nga Bag-ong Kalibutan.
4 Ang maayong panguluhan ginakabalak-an sing daku karon. Madamo ang nagapalibog kon bala ang pagginahom sang tawo magahiusa sang kalibutan. Ang maayo nga impormasyon masapwan sa ubos sang “Government,” sugod sa pahina 152 sang Reasoning nga libro.
5 Mahimo ka mamangkot:
◼ “Posible bala ipasad sang mga tawo ang panguluhan nga magadala sing mapinadayunon nga kalipay?” Pasabta sia, nian mamangkot: “Ano ang ginapakita sang rekord sang tawhanon nga maragtas?” Buksi ang Jeremias 10:23, ukon buksi ang pahina 152 sang Reasoning nga libro kag basaha ang nagakaigo nga mga teksto kag mga komento. Nian buksi ang pahina 24 kag 25 sang Government nga brosyur kag binagbinaga ang mga ilustrasyon kag mga kasulatan. Kon ang tagbalay indi magkuha sing brosyur, itanyag ang tract nga Ini Bala nga Kalibutan Makalampuwas?
6 Kon may kahadlok sa krimen sa inyo lugar, ang masunod nga introduksion mahimo nga makagalanyat:
7 Makasiling ka:
◼ “Madamong tawo ang nagapamangkot, ‘Kon ang Dios gugma, ngaa ginapahanugutan niya ang kalautan?’ Napamangkot mo man bala ini?” Pasabta sia, nian magsiling: “Talupangda nga ang Hulubaton 19:3 nagapaandam sa aton batok sa pagbasol sa Dios bangod sa malain nga mga butang nga ginahimo sang mga tawo.” Sa tapos mabasa ang teksto, ipatuhoy ang igtalupangod sa pahina 15 sang brosyur nga “Toloka! Ginahimo Ko nga Bag-o ang Tanan nga Butang” kag basaha ang parapo 27.
8 Ang paggamit sing mga brosyur sa pagtudlo sa mga katulad-karnero nga katawhan butang nga sarang naton tanan mahimo. Gamiton naton ini sing epektibo sa Agosto.