Pamangkot

◼ San-o dapat hiwaton ang Pagtinuon sang Kongregasyon sa Libro?

Sa masami mas praktikal hiwaton ang pila ka grupo nga pagtinuon sa libro sa lainlain nga mga duog sa bug-os nga teritoryo sang kongregasyon sa baylo nga magatipon ang tanan sa Kingdom Hall. Ini nga pagtinuon dapat hiwaton sa oras nga labing kombeniente sa kalabanan nga gintangdo sa pagtambong. Sa masami, ginahiwat ini sa isa ka gab-i sa simple nga mga adlaw nga wala sing iban pa nga mga miting ukon mga hilikuton sa pag-alagad nga ginhimos. Apang, maayo nga himuon ang pagtinuon sa libro sa adlaw agod makatambong ang mga tigulang kag ang mga nagatrabaho sa gab-i. Sa pila ka hitabo, ayhan praktikal nga hiwaton ang adlaw nga pagtinuon sa talipuspusan sang semana.

Ang mga gulang mahimo makapamangkot agod mapat-od ang mga oras sa pagtinipon nga “kombeniente sa kalabanan sang mga manugbantala” subong man sa mga interesado. (om-HV p. 62) Ang oras nga ginpili dapat amo ang oras nga indi makatublag sing dinagakaigo sa ginplano nga mga kahimusan sa pag-alagad sa latagon.