Maayong Balita Para sa mga Mahagop
1 Nagakabuhi kita sa panabon nga malapit na ang paghukom. (Ezeq. 9:5, 6) Hilingagawon nga ang mga mahagop bisan diin dapat pahibaluon agod makahanda sila sa kon ano ang magaabot. Bangod sang iya mahigugmaon nga kalulo, ginsugo ni Jehova ang iya katawhan nga ‘ibantala ang maayong balita sa mga mahagop.’ (Isa. 61:1, 2) Ang aton magasin nagabulig sa aton nga mabantala ining maayong balita sing lapnag.
2 Ang Lalantawan nagalugpay sa mga mahagop paagi sa maayong balita nga sa indi na lang madugay himuon sang Ginharian sang Dios ang duta nga isa ka paraiso. Ang Magmata! nagapabakod sing pagsalig sa saad sang Manunuga tuhoy sa isa ka mahidaiton nga bag-ong kalibutan. Ang lapnag nga pagpanagtag sining mga balasahon amo ang isa sang pinakamadasig nga paagi sa pagdul-ong sang maayong balita sa mga mahagop. Anong mga punto nga mahambalan ang mahimo naton mapatalupangod sa ulihi nga mga guwa?
3 Mahimo mo matanyag ang Mayo 1 nga “Lalantawan” paagi sa pagpakita sang artikulo nga “Pagbenepisyo Gikan sa Adlaw-adlaw nga Pagbasa sing Biblia” kag mamangkot:
◼ “Ano nga benepisyo sa banta mo ang matigayon naton gikan sa pagbasa sing Biblia? [Pasabta sia.] Ang Biblia mismo, sa Roma 15:4, nagasabat sina nga pamangkot. [Basaha ang Roma 15:4.] Ang kalabanan nga mga tawo sa aton komunidad may Biblia, apang pila lamang ang regular nga nagabasa sini. Nagapati kami nga ang lamang pat-od nga paglaum para sa palaabuton masapwan sa Biblia, kag magabenepisyo kita kon basahon naton ini.” Magkomento sing dugang, kag nian magtanyag sing suskripsion.
4 Ang Mayo 15 nga “Lalantawan” may artikulo nga natig-uluhan “Isa ka Bag-ong Kabuhi Para sa Aton mga Katigulangan.” Ayhan mapukaw mo ang interes paagi sini nga introduksion:
◼ “Sa masami madamo ang nagapalibog kon ano anay ang ila mga katigulangan. Bangod patay na sila ang kalabanan nga mga tawo nagahinakop nga indi gid naton ini mahibaluan. Sa banta mo posible gid bala nga makilala naton ang aton mga katigulangan?” Pahanuguti sia sa pagsabat. Basaha ang Juan 5: 28, 29, kag ipaathag kon paano ang Dios nagsaad nga hatagan sila sing bag-ong kabuhi sa isa ka paraiso nga duta.
5 Mahimo mo matanyag ang Mayo 8 nga “Awake!” paagi sa pagpamangkot:
◼ “Ano sa banta mo ang kinahanglan agod ang-kabuhi takus nga ikabuhi?” Pasabta sia. Patuhuyi ang artikulo “What Is the Meaning of Life,” pahina 26, kag basaha ang ginsiling ni Solomon sa Manugwali 2:11. Nian, ipakita ang iya laygay sa Man kapitulo 12, bersikulo 13. Agdaha ang tagbalay sa pagsuskriber.
6 Kon nagapangabudlay sa magasin antes sang Mayo 14, pat-ura nga magdala sing mga kopya sang Kingdom News Num. 34 kag itanyag ini kay bisan sin-o nga wala pa makatigayon sing kopya. Kon mahimo, dapat kita pirme mangin handa sa pagbilin sing literatura sa tagsa ka balay, nakahibalo nga mahimo ini mabasa sang iban sa pamilya subong man sang mga abyan nga magaduaw sa ila. (1 Tim. 6:18) Ang maayong balita nga ginadala naton sa mga mahagop mahimo nga magaluwas sang ila kabuhi.—1 Tim. 4:16.