Kon Ano ang Isiling Tuhoy sa mga Magasin

Ang Lalantawan Pebrero 1

“Sa banta mo, posible bala nga mahibaluan naton ang personalidad sang Dios? [Tuguti sia sa pagsabat.] May ipaambit ako sa imo nga makawiwili nga impormasyon parte sa sini.” Basaha kag binagbinaga ang sabat sa pamangkot 2 sa pahina 16 kag ang isa sa mga teksto. Itanyag ang mga magasin, kag maghimo sing kahimusan nga makabalik para mabinagbinag ang sabat sa pamangkot 3.

Magmata! Pebrero

“Bangod ang Biblia isa ka dumaan nga libro, abi sang pila ka tawo indi ini sibu sa siensia. Ano sa banta mo? [Tuguti sia sa pagsabat.] Madamo ang natingala nga ginsiling ini sang Biblia. [Basaha ang Isaias 40:22.] Ang artikulo sa pahina 22 magasabat sa pamangkot, Nagahisantuanay bala ang siensia kag ang Biblia?”

Ang Lalantawan Marso 1

“Kilala ang mga Saksi ni Jehova sa ila pagbantala. Wala ka bala natingala ngaa nagabantala sila? [Tuguti sia sa pagsabat.] Amo ini ang rason. [Basaha ang Mateo 24:14.] Ginasabat sini nga magasin ang mga pamangkot nga: Ano ang maayong balita? Ano ang Ginharian? Kag ano ang katapusan nga maabot?”

Magmata! Marso

“Bangod madamo ang nagaantos sang balatian, ginapaambit namon ining makapalig-on nga bersikulo. [Basaha ang Isaias 33:24.] Kon matuman ini, ano sa banta mo ang kahimtangan sang kabuhi? [Tuguti sia sa pagsabat.] Samtang wala pa ini mapaluntad sang Dios, may pila ka panguna nga tikang nga mahimo naton tanan para mag-ayoayo ang aton panglawas. Ginapaathag ini sini nga magasin.”