1996 “Mga Mensahero sang Diosnon nga Paghidait” nga Distrito nga Kombension

¹ Ang programa sa distrito nga kombension sini nga tuig magabulig gid sa aton nga huptan ang aton diosnon nga paghidait, kag magapaathag ini sang aton bahin agod buligan ang iban nga masapwan ina nga paghidait. Subong sang ginpahibalo sa Septiembre 1996 nga Ang Aton Ministeryo sang Ginharian, ang tema amo ang “Mga Mensahero sang Diosnon nga Paghidait.” Nakahimo ka na bala sing mga plano agod indi mo mawasi ang bisan ano sa programa?

² Tatlo-ka-Adlaw nga Programa: Nahanungod sa “Malipayon nga mga Dumalayaw” nga Distrito nga Kombension sang nagligad nga tuig, ang isa nga nakatambong nagsiling: “Nalipay gid kami nga nakahinguyang sing tatlo ka dalayawon nga adlaw sang mahidaiton kag nahiusa nga pag-inupdanay, nga nagadayaw kay Jehova! Ginpamatud-an sang aton kombension nga nagapuyo kita sa isa ka matahom nga espirituwal nga paraiso. May rason gid kita sa pagsinggit sa kalipay bisan sa sining magamo nga kalibutan.” Nahibaluan namon nga malipay ka man sing bug-os sa kombension sini nga tuig kag magapauli nga may bag-ong kapagsik. (2 Cron. 7:10) May tatlo-ka-adlaw na naman kita nga programa. Nakahimo ka na bala sing mga kahimusan nga makabakasyon sa sekular nga trabaho agod makatambong ka sa bug-os nga panag-on? May listahan sang mga petsa kag mga lokasyon para sa tanan 45 ka kombension sa Pilipinas sa katapusan sining suplemento.

³ Ang programa magasugod sa Biernes sa alas 8:​30 s.a. kag magatapos sa Domingo sa mga alas 4:​00 s.h. Sa Sabado, ang programa magasugod sa alas 8:​30 s.a. kag sa alas 9:​00 s.a. naman sa Domingo.

⁴ Mapatalom Bala Kamo?: Pagkatapos mabalikwat ang Hulubaton 27:​17, “Ang salsalon nagapatalom sang salsalon,” ang Agosto 15, 1993, Lalantawan nagsiling: “Kaangay kita sang mga instrumento nga nagakinahanglan sing tayuyon nga pagbaid. Sanglit ang pagpabutyag sing gugma kay Jehova kag ang pagdesisyon pasad sa aton pagtuo nagakahulugan nga tuhay kita sa kalibutan, kinahanglan nga maglakat kita pirme sa tuhay nga banas, kon sa aton pa, gikan sa kalabanan.” Paano naton maaplikar ina nga laygay?

⁵ Dapat kita magpabilin nga tuhay sa kalibutan. Dapat kita manikasog sing dalayon nga himuon ini agod mangin makugi kita sa maayong mga buhat. (Tito 2:14) Amo ina kon ngaa ang artikulo sang Lalantawan nga ginbalikwat sa ibabaw nagpadayon sa pagsiling: “Kon kaupod kita sang iban nga nagahigugma kay Jehova, ginapatalom naton ang isa kag isa​—ginapukaw naton ang isa kag isa sa gugma kag maayong mga buhat.” Ang distrito nga kombension amo ang isa sang mga aman halin kay Jehova agod buligan kita nga magpabilin nga matalom sa espirituwal. Kabay nga determinado kita nga tambungan ang tagsa ka sesyon sa sulod sang tatlo ka adlaw nga kombension. Indi naton sarang mawasi ang bisan ano nga bahin sang programa.

⁶ Ang Tawo nga Maalamon Magapamati: Wala kita mabun-ag nga may ikasarang sa pagpamati. Ang pagpamati isa ka arte nga dapat palambuon. Ang kinaandan nga tawo ginasiling nga makadumdom lamang sang katunga sang iya nabatian. Bangod nagapuyo kita sa dag-on sang mga kalingawan, mabudlay para sa aton ang magkonsentrar sing malawig nga panag-on. Mahimo bala naton tinguhaan nga mag-uswag sa sini sa tion sang kombension? Kon pangabayon ka nga isumaryo ang programa sa kada adlaw pagpauli halin sa kombension, masarangan mo bala ini? Paano naton tanan mapauswag ang aton ikasarang sa pagpamati?

⁷ Ang hanuot nga interes kinahanglanon, kay ang aton memorya indi mahimo makapanghikot sing maayo kon wala ini. Apang, daku gid ang nasandig sa paghatag naton sing kapin pa sa kinaandan nga igtalupangod sa aton nabatian. Ano kuntani ang natabo kon wala ginhatagan sing igtalupangod sang pila ka Israelinhon nga mga pamilya sa Egipto sadtong 1513 B.C.E. ang mga instruksion sa Paskwa? Ang Exodo 12:​28 nagasiling: “Ang mga anak nga lalaki sang Israel naglakat kag naghimo sang subong suno sa ginsugo ni Jehova kay Moises kag kay Aaron. Amo ang ginhimo nila.” Ang pagtuman sa mga instruksion sang Dios nagkahulugan sang kaluwasan sang panganay nga mga anak sang Israel. Ang aton hanuot nga interes kag pagpamati sa kada bahin sang programa sang kombension nagapabanaag sang aton espirituwal nga kahimtangan karon kag mahimo makaapektar sa aton palaabuton nga mga paglaum. Sa mga kombension ginatudluan kita sang mga dalanon ni Jehova kag ginahatagan sing mga instruksion agod mahimo ang nagaluwas-kabuhi nga hilikuton. (1 Tim. 4:16) Handurawa nga yara ikaw sa isa ka sakayan sa nagabalingaso nga dagat bangod sang bagyo. Ang mga saad ni Jehova amo ang malig-on nga angkla sang paglaum. Kon ang isa ka tawo wala nagapamati kag nagatugot nga maglagaw ang iya hunahuna, ano ang mahimo matabo? Mahimo niya mawasi ang malahalon nga mga punto sang laygay nga makapugong kuntani sa iya gikan sa espirituwal nga pagkalunod.​—Heb. 2:​1; 6:19.

⁸ Sa madamong bahin sang kalibutan, ang aton mga kauturan nagapanikasog sing lakas agod makatambong sa mga miting. Dalayawon gid nga makita ang ila maayo nga pagpamati sa mga kombension. Apang, sa iban naman nga mga lugar gintublag sang mga indibiduwal ang iban paagi sa paglagawlagaw sa kombension sa tion sang mga sesyon. Ang iban naman ulihi na nagaabot. Sa nagliligad nga mga kombension, mabudlay mamati sa nahaunang pila ka minuto sang programa bangod sang tuman kadamo nga nagadayandayan sa mga pasilyo. Sa masami indi sila ang mga kauturan nga nagapangabudlay sa ila mga asaynment ukon ang mga iloy nga nagaatipan sa mga kinahanglanon sang ila magagmay nga kabataan. Ang kalabanan nga tublag naghalin sa mga tawo nga nagasugilanunay lamang. Sini nga tuig hatagan sing dugang nga igtalupangod sang Attendant Department ang problema, kag ginalauman nga magalingkod ang tanan sa tion nga pangabayon kita sang tsirman sa paglingkod. Ang inyo kooperasyon sa sini nga bahin pasalamatan sing daku.

⁹ Anong praktikal nga mga panugda ang magabulig sa aton nga makapamati sing mas maayo sa programa kag madumduman ang mas madamo sa kon ano ang ginpresentar? Ang masunod mahimo makabulig: (a) Magkonsentrar sa pangunang rason kon ngaa nagkadto ka sa siudad sang kombension. Indi ini agod maglingawlingaw, kundi agod mamati kag magtuon. (Deut. 31:12) Magpahuway sing nagakaigo kada gab-i. Kon mag-abot ka sa kombension nga kapoy katama, mabudlay nga magkonsentrar. (b) Mag-abot sing temprano pa kaayo agod antes magsugod ang programa, nakalingkod ka na. Ang pagdalidali pakadto sa mga pulungkuan sing ulihi na magaresulta sa pagkawasi mo sa nagabukas nga bahin. (c) Magkuha sing malip-ot nga mga nota sang yabi lamang nga mga punto. Ang madamo nga sulat mahimo nga makaupang sa maayo nga pagpamati. (d) Kon ginapakilala ang isa ka bahin sang kombension, kalangkagi ini. Pamangkuta ang imo kaugalingon, ‘Ano ang makuha ko gikan sini nga bahin nga makadugang sa akon apresasyon kag gugma kay Jehova? Paano ako mabuligan sang impormasyon agod mapadayag sing labi pa ang bag-ong personalidad? Paano ini makabulig sa akon agod mapauswag ang akon ministeryo?’

¹⁰ Paggawi nga Nagapuni sang Aton Ministeryo: Ginpalig-on ni Pablo si Tito nga ipakita ang iya kaugalingon nga “isa ka huwaran sang maayong mga buhat.” Paagi sa iya maayo nga panudlo, nabuligan ni Tito ang iban nga ‘punihan ang panudlo sang aton Manluluwas, ang Dios, sa tanan nga butang.’ (Tito 2:​7, 10) Kada tuig, ginapahanumdom kita sing maluluy-on tuhoy sa kon ngaa ang diosnon nga paggawi tuman ka importante samtang nagalakbay kita pakadto-pakari sa kombension, subong man sang kon yara kita sa mga otel kag sa mga restawran kag sa kombension mismo. Sang nagligad nga tuig nakabati naman kami sing pila ka makalilipay nga mga komento nga luyag namon isugid sa inyo.

¹¹ Ang manedyer sang isa ka otel nagsiling: “Makalilipay gid nga padayunon ang mga Saksi bangod mapailubon sila, mabuligon, kag pirme nila ginabantayan sing maayo ang ila kabataan.” Ang isa ka desk clerk sang otel nagsiling nga ang iya trabaho nangin “mas mahapos kon mga Saksi ang nagasulod kag nagaguwa sa otel bangod, walay sapayan nga nagalinya sa paghulat, pirme sila matinahuron, mapailubon, kag mahangpunon.”

¹² Sa pihak nga bahin, dapat hanason sang mga ginikanan ang ila kabataan sa paghangop nga ang Cristianong paggawi wala nagatapos sa pagbiya naton sa pasilidad sang kombension. Dapat ini maglawig sing 24 ka oras sa isa ka adlaw. Ang aton paggawi sa aton mga dalayunan, sa mga restawran, kag sa mga dalan dapat mangin dungganon kaangay sang kon nagatambong kita sa mga sesyon.​—1 Ped. 2:12.

¹³ Walay sapayan nga ang serbisyo sa pagkaon gin-untat sa aton mga kombension, kinahanglan gihapon ang dakudaku nga gastos may kaangtanan sa pag-arkila sa pasilidad, pag-aman sing mga sistema sa tunog, kag pag-atipan sa iban nga mga kinahanglanon. Ang aton boluntaryo nga mga donasyon makabulig sa sining mga gastos. Ang isa ka utod nga babayi nga may tin-edyer nga kabataan nagtambong sa kombension nga may limitado lamang nga kuwarta. Apang, sila sang iya kabataan naghatag gihapon sing diutay nga amot. Kon ano ang ginapamat-od sang kada isa nga himuon sa sining bahin isa ka personal nga desisyon, apang nahibaluan namon nga ginapabilihan ninyo ining mga pahanumdom.​—Binu. 20:​35; 2 Cor. 9:7.

¹⁴ Nakilal-an Paagi sa Aton Pagpanapot: Makilala kita sing maayo sa kon paano kita nagapanapot. Ang kalabanan nga mga tin-edyer kag madamong adulto ginapalibutan sang uso nga estilo sang panapton sa eskwelahan ukon sa ila ulubrahan. Kon indi kita maghalong, madali kita maimpluwensiahan sang kalibutanon nga mga katubotubo nga mamayo kaangay nila. Madamong estilo ang indi nagakaigo nga isuksok sa mga miting sa pagsimba. Ang isa ka sulat nga nabaton pagkatapos sang isa sang mga kombension sang nagligad nga tuig nagpabutyag sing pasalamat sa programa apang nagdugang: “Natingala lang ako kon ngaa tuman kadamo nga lamharon nga kababayin-an ang nagasuksok sing malip-ot nga mga bayo, wawa sing liab nga mga blosa, kag mataas nga mga giha sa bayo.” Pat-od gid nga luyag naton tanan nga mamayo subong nga nagakaigo sa Cristianong mga ministro sa kombension kag samtang nagapahunayhunay pagkatapos sang programa. Mapuslanon sa tanan nga tion nga binagbinagon ang laygay ni apostol Pablo nga mapunihan sa “naareglo sing maayo nga panapton, nga may kaugdang kag kaligdong sa hunahuna.”​—1 Tim. 2:9.

¹⁵ Sin-o ang dapat mamat-od kon ano ang maugdang, “naareglo sing maayo” nga panapton? Ang kaugdang nagakahulugan sing “indi makahas ukon masupog.” Ginahatagan man sing kahulugan sang diksionaryo ang kaugdang subong “indi madayaw.” Ang Sosiedad ukon ang mga gulang wala nagapasad sing mga pagsulundan tuhoy sa panapton kag pamustura. Bisan nga amo sina, indi bala dapat nga maathag man sa isa ka Cristiano kon anong mga estilo sa panapton ang indi maugdang ukon ang desente? (Ipaanggid ang Filipos 1:10.) Ang aton pamustura kag panapton dapat nga wala nagaganyat sing dinagakaigo nga igtalupangod. Dapat kita mangin kalahamut-an, apang indi kalibutanon ukon malaw-ay, sing dagway. Subong mga ministro sang maayong balita, ang aton pagpanapot kag pagpamustura sing nagakaigo nagapadungog kay Jehova kag nagapabanaag sing maayo sa organisasyon. Ang aton dagway kag panapton samtang sa siudad sang kombension dapat nga nahisuno sa kon ano ang kinaandan nga ginasuksok naton sa Kingdom Hall kon nagatambong sa mga miting. Hanti, ang mga ginikanan magapahamtang sing huwaran kag nian magapat-od nga ang ila kabataan nagapanapot sing nagakaigo para sa okasyon. Ang mga gulang dapat magpahamtang sing maayong halimbawa kag handa sa paghatag sing maluluy-on nga laygay kon kinahanglanon.

¹⁶ Paghupot sang Aton mga Palibot nga Matinlo: Dapat naton huptan nga matinlo kag mahipid, indi lamang ang aton panapton, kundi ang aton man mga palibot. Huptan naton nga matinlo ang pasilidad sang kombension, nga wala nagahaboy sing papel, panit sang dulse, ukon iban pa nga mga basiyo sa salog. Antes magpauli sa gab-i, pudyuta ang basura sa palibot kag isulod ini sa basurahan ukon dalha ini pauli kag didto ihaboy.

¹⁷ Pagnegosyo: Nagatambong kita sa kombension agod magkaon sa espirituwal. Busa indi nagakaigo nga hingalitan ang daku nga kadam-an paagi sa paghimo sing mga butang nga mabaligya, subong sang kamiseta, kuyab, ukon mga kalendaryo nga gin-imprintahan sing tema sang kombension. Ang duog nga ginahiwatan sang kombension kaangay gid sang isa ka dakung Kingdom Hall nga wala sing negosyo nga dapat himuon.

¹⁸ Kamera, Camcorder, kag Audiocassette Recorder: Ang paggamit sing kamera kag iban pa nga kasangkapan sa pagrekord ginatugot, lamang nga magpakita kita sing patugsiling sa iban nga nagatambong. Kon maglakatlakat kita sa pagkuha sing retrato sa tion sang sesyon, indi lamang nga ginatublag naton ang iban kundi mawasi man naton ang pila ka bahin sang programa. Masami na nga makapanginpulos kita sing labi gikan sa kombension paagi sa pagpamati sing maayo sa mga humalambal kag sa pagkuha sing mga nota. Ayhan nagarekord kita para sa isa ka utod nga lalaki ukon babayi nga nagamasakit kag indi makatambong; apang, para sa aton kaugalingon nga gamit, mahimo naton masapwan nga sa tapos naton marekord sing madamong inoras ang programa, mahimo nga wala na kita sing tion nga marepaso pa ang kalabanan nga narekord naton sa pagpauli naton. Wala sing bisan ano nga sahi sang kasangkapan sa pagrekord ang dapat itakod sa mga sistema sa koryente ukon tunog, kag wala dapat sing kagamitan ang magabalabag sa mga pasilyo, alagyan, ukon sa atubangan sang iban.

¹⁹ Pulungkuan: Nakita namon ang pag-uswag may kaangtanan sa pagtigana sing mga pulungkuan. Sang nagligad nga tuig, ginsunod ninyo ang mga panuytoy: MAHIMO LAMANG MAGTIGANA SING PULUNGKUAN PARA SA INYO MALAPIT NGA MGA KATAPO SANG PAMILYA KAG SA IBAN NGA NAGALAKBAY KAUPOD NINYO SA INYO SALAKYAN. Ayhan nasapwan ninyo nga indi na tanto ini kahuol para sa inyo bangod ginsunod sang madamo ining maathag nga mga panuytoy. Sing importante pa, ang inyo pagsunod kalahamut-an kay Jehova kag sa ‘matutom nga ulipon,’ nga nagahatag sing espirituwal nga pagkaon.​—Mat. 24:45.

²⁰ Dumduma palihug nga ang First Aid Department sang kombension wala sa kahimtangan nga maatipan ang madugay na nga balatian. Kon ang katapo sang imo pamilya nagakinahanglan sing pinasahi nga pag-atipan, pat-ura palihug nga wala ninyo sia ginabilin nga nagaisahanon sa tion nga magabangon ang emerhensia. Dapat hibaluon sang mga gulang ang bisan sin-o sa ila kongregasyon nga may pinasahi nga mga kinahanglanon sa kapagros kag pat-uron nga makahimo sing mga kahimusan sing abanse agod maatipan sila.

²¹ Ang mga Kinahanglanon nga Pagkaon sa Kombension: Ayhan ang pila sa aton nahangawa diutay sang ginpasayod sang nagligad nga tuig nga wala na sing pagkaon ukon ilimnon nga ihanda sa kombension. Kon amo, kaangay sang kalabanan naton nga kauturan, nalipay kita sa mga kaayuhan sang pagdala sang aton kaugalingon nga pagkaon. Ang isa ka utod nga lalaki nagsulat: “Nakita ko sing maathag ang dakung espirituwal nga kaayuhan gikan sini. Yadtong tanan nga tion kag enerhiya mahimo na karon maliton sa espirituwal nga mga butang. Wala ako makabati sing isa ka negatibo nga komento.” Ang isa ka utod nga babayi nagsulat: “Paagi sa halimbawa, ginpalig-on ninyo kami, mahal nga mga utod, subong indibiduwal nga mga Cristiano nga usisaon ang amon kaugalingon kag mangita sing mga paagi agod mapasimple ang amon kabuhi kag mapauswag ang amon teokratikong mga hilikuton.” Ang isa ka nagalakbay nga manugtatap nagsulat nahanungod sa nagligad nga mga kahimusan sa paghanda sing pagkaon: “Ang nagligad nga kahimusan nangin ang kabangdanan nga nawasi sang madamo nga kauturan ang bug-os nga programa sa asambleya.” Nahanungod sa pagkaon nga ginbalon sang mga kauturan, ang isa ka gulang nagsulat: “Ginabalon nila kon ano gid ang luyag nila, kag indi na sila kinahanglan nga maglinya para sa sini.” Madamo ang nagkomento nga mas madamo ang tion nila agod masugilanon ang mga abyan.

²² Wala na naman sing serbisyo sa pagkaon sini nga tuig. Repasuha palihug sa pila ka minuto ang suplemento sang Nobiembre 1995 nga Ang Aton Ministeryo sa Ginharian, parapo 27, para sa mga panugda tuhoy sa praktikal nga mga pagkaon nga mahimo balunon sa kombension. Dumduma palihug, wala sing kristal nga mga suludlan ukon alkoholiko nga mga ilimnon ang dalhon sa pasilidad sang kombension. Kon ang magagmay nga mga cooler kinahanglanon, dapat ini makaigo sa imo pulungkuan kag indi magasaklam sang pihak nga pulungkuan. May bastante nga tion sa udto agod makaon kag mainom ang imo balon. Kaangay sa mga miting sa aton mga Kingdom Hall, wala kita nagakaon sa tion sang sesyon. Busa ginapakita naton ang pagtahod sa espirituwal nga pagkaon nga gin-aman.

²³ Sa dili madugay ang nahaunang “Mga Mensahero sang Diosnon nga Paghidait” nga Distrito nga mga Kombension magasugod. Natapos mo na bala ang imo mga preparasyon agod makatambong, kag handa ka na bala para sa makalilipay nga pag-inupdanay kag espirituwal nga maayong mga butang sa sulod sang tatlo ka adlaw? Ginapangamuyo namon sing hanuot nga pakamaayuhon ni Jehova ang imo mga panikasog agod makatambong sa kombension sini nga tuig.

Mga Pahanumdom sa Distrito nga Kombension

Dalayunan: Magapadala kami sing suplay sang Room Request nga mga porma sa tagsa ka kongregasyon, luwas sadtong sa Metro Manila. Dapat sulatan sang mga nagakinahanglan sing dalayunan ang porma kag ihatag ini sa sekretaryo sang inyo kongregasyon. Tan-awon niya ini kag pirmahan, kag ipadala ini sa Watch Tower Convention sa isa sang mga direksion sa ubos.

Disiembre 13-15, 1996

Ilagan, Isabela: c/o Zosimo G. Linda, Baculod, Ilagan, 3300 Isabela.

Baybay, Leyte: c/o Kingdom Hall, M. Quezon and M. del Pilar Streets, Baybay, 6521 Leyte.

Disiembre 20-22, 1996

Bauang, La Union: c/o Romeo Acosta, Calumbaya, Bauang, 2501 La Union.

Alaminos, Pangasinan: c/o Ferma’s Auto Supply, Alaminos, 2404 Pangasinan.

Binalonan, Pangasinan: c/o Manantan Technical School, Urdaneta, 2428 Pangasinan.

Bayombong, Nueva Vizcaya: c/o Artemio Bunuan, Market Site, Bayombong, 3700 Nueva Vizcaya.

Quezon City (1): Kingdom Hall, 8 Shorthorn Avenue, Project 8, 1106 Quezon City.

Puerto Princesa City: Kingdom Hall, Malvar Street, 5300 Puerto Princesa City.

Iriga City: c/o Bautista Marketing, Pili, 4418 Camarines Sur.

Cavite City: Kingdom Hall, 487 Padre Pio Street, Caridad, 4100 Cavite City.

Bacolod City: c/o Francisco Antonano, Room 2 TG Building, Lacson Street, 6100 Bacolod City.

Dumaguete City: c/o Alexander Echon, 110-A Springville, Tubod, 6200 Dumaguete City.

General Santos City: Kingdom Hall, 8 Siniguelas Street, 9500 General Santos City.

Kidapawan, North Cotabato: c/o Adolfo Adriatico, P. O. Box 34, Kidapawan, 9400 North Cotabato.

Kabacan, North Cotabato: c/o Eliseo Mapanao, 1245 USM Avenue, Kabacan, 9407 North Cotabato.

Mati, Davao Oriental: c/o Norberto Morales, 2851 Ravelo Compound, Matiao, Mati, 8200 Davao Oriental.

Toril, Davao City: c/o Cayetano Hormillada, 187 Agton Street, Toril, 8000 Davao City.

Cabantian, Davao City: c/o Mariano B. Roman, Km. 1503, Diversion Road, Cabantian, 8000 Davao City.

Cagayan de Oro City: c/o Nicolas Reymundo, Jr., 52 Vamenta Blvd., Carmen, 9000 Cagayan de Oro City.

Zamboanga City: Kingdom Hall, 541 San Jose Road, Baliwasan, 7000 Zamboanga City.

Disiembre 27-29, 1996

Baguio City: Kingdom Hall, 28 Rimando Road, 2600 Baguio City.

Laoag City: Kingdom Hall, Rizal Street, 2900 Laoag City.

Lingayen, Pangasinan: c/o Rufo Macaraeg, Tonton, Lingayen, 2401 Pangasinan.

Paniqui, Tarlac: c/o Catalino Melegrito, 102 Samput, Paniqui, 2307 Tarlac.

Tuguegarao, Cagayan: c/o Santiago Panaga, 60 Public Market, Tuguegarao, 3500 Cagayan.

Quezon City (2): Kingdom Hall, 8 Shorthorn Avenue, Project 8, 1106 Quezon City.

Malolos, Bulacan: c/o Fructuso Tan, Kingdom Hall, Masagana Homes Phase 3, Tabang 1st, Guiguinto, 3015 Bulacan.

Cabanatuan City: c/o Rogelio Cuevo, 366 Purok Rosal, Dicarma, 3100 Cabanatuan City.

San Fernando, Pampanga: c/o Percasio Dizon, 850 Juliana Subdivision, San Fernando, 2000 Pampanga.

Pasay City: Kingdom Hall, 3160 Visita Street, Sta. Cruz, 1200 Makati City.

Pasig City: Kingdom Hall, 116 Roxas Street, Calumpang, Marikina, 1800 Metro Manila.

Lucena City: Kingdom Hall, 1 Granja Street, 4301 Lucena City.

Masbate, Masbate: c/o Yolando Alburo, 56-K Tara Street, Masbate, 5400 Masbate.

Iloilo City: Kingdom Hall, Jereos Street, La Paz, 5000 Iloilo City.

Cebu City: c/o Parcon’s Machine Shop, Bagumbayan Street, 6000 Cebu City.

Tacloban City: c/o Isabelo Tome, 185 M. H. del Pilar Street, 6500 Tacloban City.

Tagbilaran City: c/o Felix Acma, 55 Airport Road, 6300 Tagbilaran City.

Butuan City: c/o Reynie Tumbaga, Kingdom Hall, Jose Rosales Street, 8600 Butuan City.

Surallah, South Cotabato: c/o Eugenio Ordanza, Poblacion, Surallah, 9512 South Cotabato.

Tagum, Davao Norte: c/o Gil Cadeliña, 1034 Rizal Street, Tagum, 8100 Davao Norte.

Digos, Davao Sur: Kingdom Hall, Lim Extension, Digos, 8002 Davao Sur.

Tandag, Surigao Sur: c/o Toribio Bernardino, Dawis, Tandag, 8300 Surigao Sur.

Dipolog City: c/o Jose Machutes, Jr., 097-E Aguilar Street, 7100 Dipolog City.

Enero 3-5, 1997

Kalibo, Aklan: Kingdom Hall, New Buswang, Kalibo, 5600 Aklan.

Sta. Cruz, Laguna: Kingdom Hall, Highway, Bubukal, Sta. Cruz, 4009 Laguna.

Bawtismo: Ang mga kandidato sa bawtismo dapat nga yara na sa ila mga pulungkuan sa gintigana nga seksion antes magsugod ang programa sa Sabado sang aga. Napanilagan na nga nagasuksok ang iban sing mga balas-on nga dinagakaigo kag nagapakanubo sa okasyon. Ang kada isa nga magapabawtismo dapat magdala sing maugdang nga bathing suit kag tualya. Dapat pat-uron sang mga gulang sang kongregasyon nga nagarepaso sang mga pamangkot sa Ang Aton Ministeryo nga libro upod sa mga kandidato sa bawtismo nga nahangpan sang kada isa ining mga punto. Pagkatapos sang pamulongpulong kag pangamuyo sa bawtismo sang humalambal, ang tsirman sang sesyon magahatag sing malip-ot nga mga instruksion sa mga kandidato kag nian magapaamba. Pagkatapos sang katapusan nga istansa, tuytuyan sang mga attendant ang mga kandidato sa lugar sang bawtismo. Sanglit ang bawtismo bilang simbulo sang dedikasyon sang isa ka tawo isa ka suod kag personal nga butang sa ulot sang indibiduwal kag ni Jehova, wala sing aman para sa ginatawag nga parisay nga bawtismo nga sa diin ang duha ukon kapin pa ka kandidato sa bawtismo nagahaksanay ukon nagauyatay sing kamot samtang ginabawtismuhan.

Badge Card: Isuksok palihug ang 1996 nga badge card sa kombension kag samtang nagalakbay pakadto-pakari sa kombension. Sa masami nagapaposible ini sa aton nga makahatag sing maayong panaksi samtang nagalakbay. Ang mga badge card kag mga holder dapat kuhaon paagi sa inyo kongregasyon, kay indi ini matigayon sa kombension. Indi maghulat nga pila na lang ka adlaw kag magaumpisa na ang kombension kag amo pa lang nga mangabay ka sing mga kard para sa imo kag sa imo pamilya. Indi man pagkalimti nga dalhon ang imo bag-ong Advance Medical Directive/Release card.

Boluntaryo nga Pag-alagad: Bangod wala na sing serbisyo sa pagkaon, madamo sang anay nangabudlay sa sadto nga departamento ang makaboluntaryo na karon sa iban nga departamento. Makapain ka bala sang pila ka tion sa kombension agod makabulig sa isa sang mga departamento? Ang pag-alagad sa aton mga kauturan, bisan sa pila lamang ka oras, mapuslanon katama kag nagahatag sing daku nga kaayawan. Kon mahimo ka makabulig, magreport palihug sa Volunteer Service Department sa kombension. Ang mga kabataan nga kubos sa 16 anyos ang edad mahimo man makabulig paagi sa pagpangabudlay sa idalom sang pag-atipan sang ginikanan ukon sang iban pa masaligan nga hamtong.

Paandam: Magpabilin nga alisto sa posible nga mga problema agod malikawan ang dikinahanglanon nga mga kabudlayan. Sa masami ginabiktima sang mga makawat ang mga pangayaw. Pat-ura nga pirme sirado ang inyo salakyan, kag indi gid magbilin sing bisan anong makita nga butang nga magasulay sa isa nga mangawat. Ang mga makawat kag mga switik nagakaganyat sa dalagku nga mga pagtilipon. Indi maalamon nga magbilin sing malahalon nga mga butang sa inyo pulungkuan. Indi kamo makasiguro nga ang tanan sa inyo palibot isa ka Cristiano. Ngaa maghatag sing pagsulay? May nabaton nga mga report nga ang iban nga mga tagaguwa nagtinguha sa pagbuyok sa mga kabataan sa pagguwa. HIBALUA PIRME KON DIIN ANG INYO MGA KABATAAN.

“Mga Mensahero sang Diosnon nga Paghidait” nga Distrito nga mga Kombension

Sa ubos amo ang tentatibo nga mga petsa kag mga lokasyon para sa distrito nga mga kombension sini nga tuig:

Disiembre 13-15, 1996

Ilagan, Isabela: Isabela 1-4, 7.

Baybay, Leyte: Leyte 2-4.

Disiembre 20-22, 1996

Bauang, La Union: La Union 1-3.

Alaminos, Pangasinan: Pangasinan 1, 2, 10; Zambales 1-A.

Binalonan, Pangasinan: Pangasinan 7-9.

Bayombong, Nueva Vizcaya: Ifugao 1; Isabela 5, 6; Nueva Vizcaya 1; Quirino 1.

Kabacan, North Cotabato: Cotabato 2, 7.

Quezon City (1): Quezon City 1, 2.

Puerto Princesa City: Palawan 1, 2.

Iriga City: Albay 1-3; Camarines 1-4; Catanduanes 1; Sorsogon 1.

Cavite City: Cavite 1, 2.

Bacolod City: Negros 1, 2.

Dumaguete City: Negros 3-5.

General Santos City: Cotabato 3; Sarangani 1, 2.

Kidapawan, North Cotabato: Cotabato 1, 5, 9, 10.

Mati, Davao Oriental: Davao 6, 8.

Cabantian, Davao City: Davao 4, 5, 11, 15.

Toril, Davao City: Davao 3, 12.

Cagayan de Oro City: Lanao 1; Misamis 1, 2, 4, 5; Bukidnon 1, 2.

Zamboanga City: Zamboanga 4, 7.

Disiembre 27-29, 1996

Baguio City: Benguet 1-4; Mountain Province 1; Northern Tagalog 1.

Laoag City: Abra 1, 2; Ilocos 1-7; Batanes 1.

Lingayen, Pangasinan: Pangasinan 3-6.

Paniqui, Tarlac: Nueva Ecija 4; Tarlac 1, 2.

Tuguegarao, Cagayan: Cagayan 1-7; Apayao 1; Kalinga 1.

Quezon City (2): Manila 2, 3.

Cabanatuan City: Nueva Ecija 1-3; Aurora 1.

Malolos, Bulacan: Bulacan 1, 2; Manila 7.

San Fernando, Pampanga: Bataan 1; Pampanga 1, 2; Tarlac 3; Zambales 1-B.

Pasay City: Manila 4-6.

Marikina, Metro Manila: Manila 1, 8; Palawan 3; Quezon City 3; Rizal 1.

Lucena City: Batangas 1, 2; Mindoro 1, 2; Marinduque 1; Quezon 1-3.

Masbate, Masbate: Masbate 1, 2.

Iloilo City: Antique 1; Iloilo 1-4.

Cebu City: Cebu 1-5.

Tacloban City: Leyte 1, 5; Samar 1-3.

Tagbilaran City: Bohol 1-4.

Butuan City: Agusan 1, 2, 4, 5; Surigao 1, 4.

Surallah, South Cotabato: Cotabato 4, 6, 8.

Tagum, Davao Norte: Agusan 3; Davao 7, 9, 13.

Digos, Davao Sur: Davao 1, 2, 10, 14.

Tandag, Surigao Sur: Surigao 2, 3.

Dipolog City: Misamis 3; Zamboanga 1-3, 5, 6.

Enero 3-5, 1997

Sta. Cruz, Laguna: Laguna 1-3; Quezon 4.

Kalibo, Aklan: Aklan 1; Capiz 1, 2; Romblon 1.