Tigayuna Ang Labing Maayo Gikan Sa Eskwelahan

¹ Ang aton mga pamatan-on kapin na sa duha ka bulan nga nagaeskwela karon. Walay sapayan nga may pila ka hangkat kag kabalaka nga nalakip sa pagbalik sa eskwelahan, madamo man nga benepisyo ang matigayon sang mga pamatan-on nga nagaeskwela sing maukod agod matigayon ang labing maayo gikan sa ila pag-eskwela.

² Ang maayong sadsaran nga edukasyon sarang makaamot sa espirituwal nga pag-uswag sang isa. Daku ang epekto sang ginahimo sang isa sa tion sang iya pagkapamatan-on sa kon ano ang mahimo niya subong isa ka adulto. Bisan tuhoy sa pag-eskwela, “bisan ano ang ginasab-ug sang tawo, ina man ang iya anihon.” (Gal. 6:7) Ang mga pamatan-on nga nagatuon sing maukod sang ila mga leksion sa eskwelahan makatigayon sing mga ikasarang nga magahimo sa ila nga mas mapuslanon kay Jehova.

³ Ang mahalungon nga paghunahuna kinahanglan agod makahimo sing husto nga mga pagpili sa mga kurso sang eskwelahan. Dapat buligan sang mga ginikanan ang ila kabataan sa pagpili sing kurso nga makahatag sing labing praktikal nga paghanas agod malab-ot ang espirituwal nga mga tulumuron sa kabuhi. Paagi sa pagpalambo sa ila mga ikasarang, ang mga pamatan-on may bentaha nga masuportahan ang ila kaugalingon sa payunir nga hilikuton. Ang ila sadsaran nga edukasyon dapat magbulig sa ila nga dayawon si Jehova bisan diin man sila nagaalagad.

⁴ Mga pamatan-on, panikasugi nga tigayunon ang labing maayo gikan sa inyo mga tinuig sang pag-eskwela. Bangod sini, magkonsentrar sa pagkabuhi sing mapuslanon kag makaalayaw sa sagrado nga pag-alagad, sa baylo nga tinguhaan ang isa ka kalibutanon nga karera. Panikasugi nga gamiton ang imo kabuhi sa paghimo sang kabubut-on ni Jehova. Sa sina nga paagi, ginahimo nimo ang imo dalanon nga madinalag-on, sa kadayawan ni Jehova.​—⁠Sal. 1:⁠3.