Ang Maayong Balita Sa Internet

Sa panahon naton, ang iban nga mga tawo nagakuha sing impormasyon gikan sa elektroniko nga mga ginhalinan. Gani ang Sosiedad nagbutang sa Internet sing pila ka sibu nga impormasyon tuhoy sa mga pagtuluuhan kag mga hilikuton sang mga Saksi ni Jehova.

Ang aton Internet Web site may direksion nga http:/www.watchtower.org kag nagaunod sing pinili nga mga tract, brosyur, kag mga artikulo sang Lalantawan kag Magmata! sa Ingles kag iban pa nga mga pamulong. Ang mga publikasyon sa sining Web site matigayon na paagi sa mga kongregasyon kag ginagamit sa ministeryo. Ang katuyuan sang aton Web site amo ang pagpaposible nga matigayon sang publiko ang impormasyon sa elektroniko nga paagi. Indi na kinahanglan para kay bisan sin-o nga indibiduwal nga maghanda sing Internet nga mga pahina tuhoy sa mga Saksi ni Jehova, sa aton mga hilikuton, ukon sa aton mga pagtuluuhan. Ang aton opisyal nga site nagahatag sing sibu nga impormasyon kay bisan sin-o nga maluyag sini.

Walay sapayan nga ang aton site wala sing probisyon para sa elektroniko nga mga mensahe (E-mail), ginalista sini ang mga direksion sa koreo sang mga sanga sang Sosiedad sa bug-os nga kalibutan. Busa ang mga tawo sarang makasulat agod makatigayon sing dugang pa nga impormasyon ukon agod makabaton sing personal nga bulig gikan sa mga Saksi sa ila lugar. Mahimo ninyo mahatag ang direksion sang Internet sa ibabaw kay bisan sin-o nga maluyag sa pagtuon sang kamatuoran sa Biblia gikan sa sining paagi.