Pamangkot

◼ Sin-o ang nagakaigo nga makabaton sing lapel badge card para sa distrito nga kombension?

Ang mga lapel badge card sa kombension mabuligon katama sa pagkilala sa aton mga kauturan kag sa pagpahibalo sang kombension. Apang, indi dapat nga ipanagtag ini sing pataka. Nagapakilala ini sa nagasuksok subong may maayo nga tindog sa isa ka partikular nga kongregasyon sang mga Saksi ni Jehova.

Ang kard may espasyo para sa ngalan sang indibiduwal kag sa ngalan man sang kongregasyon. Gani, ang isa dapat nga nagapakig-upod sa makatarunganon nga kalawigon upod sa ginhingadlan nga kongregasyon. Ang Sosiedad nagapadala sing suplay sang mga kard sa tagsa ka kongregasyon pasad sa order nga ginpadala upod sa Special Order Blank para sa mga pormas. Kon nagaorder, dapat dumdumon sang mga kongregasyon nga ang tagsa ka bawtismado kag di-bawtismado nga manugbantala nga magatambong sa kombension nagakaigo nga hatagan sing kard. Ang mga anak kag ang iban pa nga nagatambong sing regular sa mga miting sang kongregasyon kag nagauswag sa pagpakigbahin sa ministeryo sa latagon mahimo man hatagan. Indi nagakaigo nga hatagan sing lapel card sa kombension ang isa ka nadisfellowshipped nga tawo.

Kon matigayon na ang mga kard, dapat pat-uron sang mga gulang nga ginapanagtag ini nahisanto sa sining mga giya.