Pagtukod sing Apresasyon sa The Bible​​—⁠Mankind’s Oldest Modern Book

Ang masunod nga mga pamangkot nagapatalupangod sang mga punto nga mahimo nga matalupangdan mo kon nagatan-aw sini nga video: (1) Ano ang mga katunayan nga nagapakilala sa Biblia subong di-matupungan? (2) Maghatag sing halimbawa kon paano ang Biblia, bisan pa dumaan na, nagaugyon sa modernong siensia. (3) Paano kita makapat-od nga ang Biblia karon indi tuhay sa orihinal nga sinulatan? (4) Ano ang isa ka tumalagsahon nga bahin sang teksto sang dumaan nga mga manuskrito sang Biblia, kag ano nga pagsalig ang ginapatudok sini sa imo? (5) Sa anong mga paagi sanday John Wycliffe, Johannes Gutenberg, William Tyndale, Mary Jones, kag Charles Taze Russell nakabulig sa pagpalapnag sang Pulong sang Dios sa bug-os nga kalibutan? (6) Paano ginpamatukan sing daku sang simbahan ang Biblia, kag paano ini nakalampuwas sa aton adlaw? (7) Tubtob sa anong kasangkaron nagbadbad kag nagbalhag sing mga Biblia ang organisasyon ni Jehova? (8) Paano nabuligan sang praktikal nga laygay sang Biblia ang mga tawo sa paglubad sang mga problema tuhoy sa nagiyan nga pagsugal (1 Tim. 6:​9, 10), pagbulagay kag pagluib sang mag-asawa (1 Cor. 13:​4, 5; Efe. 5:​28-33), kag sobra nga pagkabalaka sa materyal nga manggad (Mat. 16:26)? (9) Ano ang pamatuod nga sarang malandas sang mga prinsipio sang Kasulatan ang dumot sa pungsod, etniko, kag rasa sa kalibutan? (10) Sa anong mga paagi ang paghibalo sang kaundan sang Biblia nakahatag sa imo sing daku pa nga kalipay? (11) Sin-o sa banta mo ang magabenepisyo gikan sa sining video, kag paano mo ini ipresentar sa ila?