The Bible​—A Book of Fact and Prophecy

Ang Mankind’s Oldest Modern Book amo ang una sa tatlo ka presentasyon sa video nga makita sa DVD nga The Bible​—A Book of Fact and Prophecy. Pagkatapos mo matan-aw ini nga video, sabta ang masunod nga mga pamangkot:

(1) Sa ano nga mga paagi ang Biblia nagaugyon sa moderno nga siensia? (2) Paano naton mapat-od nga ang aton Biblia sibu sa orihinal nga mga sinulatan? (3) Ano ang isa ka talalupangdon nga bahin sang teksto sang dumaan nga mga manuskrito sang Biblia? (4) Sa ano nga mga paagi sanday John Wycliffe, Johannes Gutenberg, William Tyndale, John Hus, Martin Luther, Casiodoro de Reina, kag Charles Taze Russell nakabulig sa pagpalapnag sang Pulong sang Dios sa bug-os nga kalibutan, kag paano ginpamatukan sang simbahan ang Biblia? (5) Paano ang praktikal nga mga laygay sa Biblia nakabulig sa mga tawo nga malandas ang mga problema sa panglawas (Sal. 34:8), pagsugal (1 Tim. 6:9, 10), pagbulagay kag pagluib sa pag-asawahay (1 Cor. 13:4, 5; Efe. 5:28-33), kag sobra nga pagkabalaka sa materyal nga mga butang (Mat. 16:26)? (6) Ano ang pamatuod nga sarang malandas sang pag-aplikar sang mga prinsipio sa Biblia ang pagdumot sa pungsod kag rasa (Luc. 10:27)? (7) Sa ano nga mga paagi makahatag sa imo sing mas daku nga kalipay ang pagsunod sa mga prinsipio sa Biblia? (8) Paano mo gamiton ini nga video sa pagbulig sa iban?​—Tan-awa ang Pebrero 2006 nga Ang Aton Ministeryo sa Ginharian, pahina 8.